O Concello de Redondela vén de instalar cámaras para controlar o acceso ao casco histórico. Dende o Goberno municipal lembran que as restricións de tráfico no casco histórico comezaron xa en 2012, pero ata o de agora o sistema presentaba moitas eivas. Os incumprimentos das limitacións establecidas son moi frecuentes, “o que supón un grave prexuízo para o patrimonio e unha inseguridade para os peóns”,
Estas cámaras -ás que só teñen acceso as forzas de seguridade- teñen como obxectivo facer do casco histórico unha zona máis accesible. Deste xeito, os visores están nos puntos do casco vello recomendados no estudo realizado pola Policía Local: praza da Constitución, na rúa Prata, rúa Pai Crespo e rúa Campo das Redes.
Tamén en vigoalminuto
- La estatua de Iago Aspas costará 295.000 euros: 200.000 para hacerla, 80.000 para llevarla y 15.000 en premios
- El lunes empieza a funcionar el hospital de día médico del Cunqueiro para evitar ingresos y aliviar las Urgencias
- O Porriño se prepara para cuatro días de fiestas con SÉS, D. Valentino, Kate Ryan, Gisela y Panorama
- La Diputación amplía hasta 2027 el plazo para que el Concello de Vigo no pierda 4,15 millones en dos obras
- Vigo se queda a cero en el último reparto de policías: 710 agentes y ningún refuerzo
- O Camiño Portugués da Costa supera en Vigo os 90.000 peregrinos e supera o rexistro de todo 2025
Só en probas
Nesta primeira fase as cámaras só funcionan en probas, para monitorear e cuantificar o tráfico que circula por estas rúas. Posteriormente as cámaras de tráfico servirán para verificar que só circulan polo caso histórico os vehículos autorizados, xa que identificarán as matrículas. Antes de que a o sistema de control por cámaras entre oficialmente en funcionamento, «desde o Concello informarase á cidadanía con detalle do seu funcionamento e das restricións no acceso».
Nunha nota, o Goberno local indica que este novo sistema evitará que as persoas non residentes circulen polo casco histórico, o que reducirá dun xeito moi significativo o tráfico. As cámaras servirán para previr o estacionamento indebido e «axudarán a que as rúas sexan máis seguras«. Os dispositivos terán tamén un efecto disuasorio ante actos incívicos e de vandalismo que ocasionan molestias aos residentes. No caso de áreas delicadas, as cámaras axudarán a protexelas e, no caso de rexistrarse algún problema, a axuda chegará antes, xa que estarán conectadas á policía.
