Xa está aberto o prazo de inscrición para participar na CAE INTERRUNNING’25, que se celebrará o vindeiro 21 de setembro no Porriño. Trátase dunha cita deportiva consolidada no calendario local, organizada encolaboración co Interrunning Club, que busca fomentar a práctica deportiva, o espírito de equipo entre empresas e veciñanza, e, ao mesmo tempo, contribuír a causas solidarias.
Inscrición e modalidades
Este evento contará con varias modalidades adaptadas a todos os públicos e niveis: andaina de 8 quilómetros, carreiras de 5 e 10 quilómetros, así como probas infantís, o que permite a participación tanto de persoas habituadas á práctica deportiva como de quen se inicia nela. As inscricións poden realizarse xa a través da páxina web www.emesports.es cun prezo de 6€.
Tamén en vigoalminuto
- Le roban un maletín, le cobran 20 euros por recuperarlo y después descubre que faltan 1.500 euros
- Cielos despejados y temperaturas cercanas a 30 grados en Vigo
- O Porriño enche a fin de semana de festas con música, teatro, tradición e deporte
- O TSXG condena o Sergas por vulnerar os dereitos fundamentais dun traballador
- El alcalde anuncia que Vigo reserva casi 400.000€ para la Cabalgata de Reyes y la megafonía de Navidad
- La Movida viguesa vuelve este sábado con una gran noche dedicada a Golpes Bajos
Desde o Concello do Porriño anímase a toda a cidadanía, empresas e colectivos a sumarse a esta iniciativa, que non só promove hábitos saudables e o deporte como ferramenta de cohesión social, senón que tamén ten unha importante vertente solidaria. Os fondos recadados coas inscricións destinaranse a apoiar a Aceesca, o Banco de Alimentos do Porriño e a Asociación Española Contra o Cancro.
O alcalde do Porriño, Alejandro Lorenzo, destaca a relevancia deste evento no ámbito local, «a CAE Interrunning é moito máis ca unha carreira. É unha oportunidade para que veciños e veciñas, empresas e entidades camiñen ou corran xuntos por un mesmo obxectivo: o benestar da nosa comunidade. Dende o Concello reiteramos o noso compromiso con este tipo de iniciativas que fortalecen o tecido social e promoven valores de solidariedade e cooperación”.
