As obras para a construción da segunda fase da Senda Verde de Chapela, están en marcha. Financiadas polo Plan +Provincia da Deputación, o Concello de Redondela da continuidade a esta vía peonil que transforma a antiga liña do ferrocarril, agora en desuso, nun novo espazo de lecer.
Este segundo tramo comeza nas inmediacións do novo Skatepark e continúa en dirección a Redondela. O proxecto vai transformar esta céntrica zona da parroquia de Chapela cunha nova superficie de 2.300 metros cadrados para uso público.
Paseo natural e lugar para deporte e vida saudable
O novo tramo, ao igual que a senda que une o antigo apeadoiro con Vigo, será un espazo pensado para o uso da cidadanía. Na zona crearase un espazo dinámico para fomentar a vida saudable no que a veciñanza poida gozar dun paseo por un medio natural lonxe do tráfico, e tamén mellorará a conexión coas rúas da contorna. A segunda fase contará cunha praza que comunicará os dous tramos do camiño Real Angorén, que na actualidade están separados pola vía do ferrocarril. Crearase así un lugar de esparexemento, deporte e vida saudable, tanto para usos lúdicos como deportivos.
Tamén en vigoalminuto
- Circo, humor y lleno total: Vigo celebra este fin de semana el Día Mundial del Circo
- Vigo proyecta cubrir tramos de la AP-9 con parques y ascensores para “coser la ciudad”
- La Diputación respalda la promoción en origen para reactivar Peinador y rechaza limitar su operativa
- El PP de Vigo carga contra Caballero: “Las calles están sucias y el premio de limpieza no es real”
- Empresas fantasma y altas laborales falsas: así se cobraron 162.000€ en prestaciones de la Seguridad Social
- Hallan un cuerpo encadenado en el puerto de Ribeira: la Policía investiga todas las hipótesis
O deseño é similar ao da primeira fase da senda, e nos puntos nos que o percorrido ten acceso dende as rúas adxacentes crearanse pequenas prazas con bancos que servirán como zonas de descanso e de encontro. Ao final do trazado colocarase unha pérgola que ofrecerá sombra nos días de sol.
Os traballos foron adxudicados á empresa local Construcciones Castro por un importe de 277.500€, e o prazo de execución é de 6 meses.
