O Bloque Nacionalista Galego propón a prohibición de novas vivendas de uso turístico (VUT) en Vigo durante os próximos 5 anos diante da continua suba dos alugueiros. O portavoz municipal do Bloque, Xabier P. Igrexas, demanda actuar con celeridade para poñer freo a este “fenómeno ultraespeculativo” que, advertiu, representa a maior dificultade para acceder a unha vivenda a prezos accesíbeis.
De 220 en 2018 a 2.300, este 2025
Igrexas alertou de como a proliferación de VUT —que pasaron de apenas 220 en 2018 a preto de 2.300 na actualidade— está agravando a “emerxencia habitacional” na cidade, con prezos cada vez máis caros, maiores esixencias de acceso por parte das persoas propietarias e un número cada vez menor de inmóbeis en oferta para uso residencial. En Vigo hai xa 5 pisos turísticos por cada vivenda dispoñíbel para alugar.
Alugueiros de 670€, de media
“O Concello non pode permanecer máis tempo impasíbel mentres a especulación engule a vivenda, encarecendo os prezos a niveis imposíbeis e expulsando a moitas familias traballadoras e mocidade que non se poden permitir seguir vivindo na súa propia cidade”, defendeu o portavoz municipal do Bloque.
Os últimos datos oficiais do Instituto Galego de Vivenda e Solo constatan esta escalada dos prezos en Vigo, cun custe medio de case 670 euros ao mes, e cun aumento dos alugueiros en case un 30% no último lustro. En paralelo, o número de VUT continúa a crecer na cidade, sendo xa o 40% do total das sete cidades galegas e situando Vigo como a urbe co maior aumento no conxunto do Estado español.
Tamén en vigoalminuto
- O sindicato CUT denuncia como “engañosa” a apelación de Stellantis á flexibilidade e redución de custos
“A finalidade última é un incremento de produción nas vindeiras semanas” - Trece persoas desempregadas incorpóranse á plantilla municipal do Porriño
As novas contratacións cobren perfís profesionais variados, orientados a reforzar os servizos públicos municipais - Las voces y los bailarines del Programa Conexións inundarán Príncipe
Este domingo, día 25, a partir de las 12:00 h, frente al MARCO - ANPA del Celso Emilio Ferreiro exige a Xunta y Concello que acaben con el deterioro del centro
El tejado está en mal estado, caen cascotes y hay goteras - En marcha as obras da segunda fase da Senda Verde, de Chapela a Redondela
Financiadas polo Plan +Provincia da Deputación, estará rematadas en outono - Los jardines de Castrelos, escenario de 4 conciertos en el mes de julio
De música tradicional, pop, rock, blues y jazz
Ordenanza e restricións
Dende o BNG van propoñer por estes motivos, no vindeiro Consello da Xerencia de Urbanismo, a creación dunha comisión para elaborar unha ordenanza municipal que permita regular e restrinxir os pisos turísticos. A ese respecto, o voceiro nacionalista tachou de insuficientes as previsións recollidas no novo Plan Xeral, única medida anunciada polo Goberno local. “A propia xurisprudencia estabelece como imprescindíbel dotarse dunha norma específica, como xa fixeron outras cidades“, afirmou Igrexas.
Tomar “decisións drásticas”
Para o portavoz do Bloque é necesario tomar “decisións drásticas” ante a gravidade do problema de acceso á vivenda en Vigo, entre elas a prohibición de novas VUT mentres non se recupera a oferta de alugueiro residencial e se pon freo á escalada de prezos. “Fronte á actual política de barra libre para os pisos turísticos o BNG dicimos que hai que pechar a billa e hai que facelo xa”, insistiu, asegurando que “hai que meter en cintura un sector que se está cebando con enormes beneficios a costa de impedir o acceso da maioría social a un dereito básico como a vivenda”.
Na mesma liña, a fronte nacionalista chamou a intensificar o control e inspeccións dos pisos turísticos existentes na cidade para verificar que contan con licenza e comprobar se cumpren a normativa en materia de accesibilidade e habitabilidade.
