O universo Romasanta convértese en protagonista da nova obra de Pedro Feijoo (49), que chegará ás librarías o vindeiro 15 de maio co título ‘Onde nacen as bestas’. Neta ocasión, o autor vigués lanza unha novela cunha estrutura complexa que ten como referencia o personaxe de Manuel Blanco Romasanta para construír unha trama de asasinatos que teñen lugar no presente.
Novela negra, thriller e crítica social
Como xa é habitual no escritor, que acadou o XL Premio Xerais de Novela por ‘Ninguén contará a verdade’, o relato mestura elementos da novela negra e do thriller como a crítica social e unha escrita con descricións duras e descarnadas. O pulso narrativo de Pedro Feijoo atrapará o lectorado dende as primeiras páxinas. Esta é unha historia aditiva e chea de referencias históricas que propón unha aproximación á persoa que hai detrás do coñecido psicópata recordado como Sacaúntos e Lobishome. Do mesmo xeito, Feijoo aborda os traumas herdados de xeración en xeración no seo familiar.
Entre o lume do val e as néboas da serra, algo se revolve nas entrañas da Galicia máis feroz e descarnada. Unha serie atroz de asasinatos espertará a memoria dun nome perdido no tempo e, como nun segredo que se comparte en voz baixa, un temor comezará a repetirse nos rumores: «Volveu o Sacaúntos…».
Violencia ancestral, silencios e identidades ocultas
‘Onde nacen as bestas’ é unha novela sobre o lado salvaxe do noso propio ser, onde a montaña marca as
personalidades dos seus habitantes e a piedade pode desaparecer en calquera imposible distinguir que é real e que lenda. Pedro Feijoo mergúllanos nunha historia de violencia ancestral, silencios familiares e identidades ocultas.
“O que máis me interesa da historia é a profundidade do personaxe. O que Manuel Blanco Romasanta empregou como escusa para xustificar os asasinatos que cometeu acabou sendo o que o convertería nun mito, pero todo o que hai antes é mil veces máis interesante. Cando te esqueces do personaxe e exploras na persoa, dentro hai unha furna moito máis profunda, e no seu interior hai un montón de galerías máis profundas aínda”, conta Pedro Feijóo sobre o seu proceso de investigación para a creación desta novela
Como xa é habitual na obra do autor vigués, a historia introdúcese nas partes máis escuras da mente para tratar de entender os comportamentos máis crueis da natureza humana. O escritor Suso de Toro explicou a tendencia de Pedro Feijoo de escribir sobre estas cuestións como un impulso por “entender de onde vén toda a dor”. “Dunha maneira ou outra sempre volvo a temas como a dor, o horror, o medo, a angustia…”.
Ao carón da casa de Romasanta
Ademais, para escribir esta novela, Pedro Feijoo pasou máis de seis meses vivindo na aldea de Rebordechao, preto da casa que habitou o propio Romasanta. A experiencia axudoulle a entender a forma de vida nunha aldea da montaña, así como a lacra dos lumes provocados no monte e os intereses polos que se moven. Deste xeito, a novela aborda temas variados como os incendios no rural, a violencia
familiar e as súas secuelas, a discriminación e o acoso escolar. Esta inmersión na aldea permite que a novela flúa con naturalidade e verosimilitude.
“Instalarme a vivir en Rebordechao foi unha das mellores decisións que tomei como escritor, sempre me documento moito para as miñas novelas, pero neste caso convivín cos personaxes e os ambientes”, explica Pedro Feijoo, que é un dos autores galegos que máis traballo de investigación e documentación realiza para escribir as súas novelas.
“Converterme nun veciño máis, convivir cos ritmos da aldea, ser parte das celebracións… permíteche acceder a unha verdade á que non accederías de ningún outro xeito. Penso que ningún outro autor en Galicia o fai. Ese é o meu nivel de entrega e de compromiso co texto”, engade o autor.
Tamén en vigoalminuto
- Michel Salgado, ‘Hijo Predilecto’ de As Neves
Será nombrado este miércoles - Mos aproba definitivamente o proxecto de expropiación para a construción da senda peonil en Dornelas
Terá un custo de más de 700.000€, parte dos cales proceden do Plan +Provincia da Deputación - O ‘Canjazz 2025’ reúne en Cangas o jazz de catro continentes con artistas de prestixio internacional
Do 20 ao 23 de agosto, Cangas converterase no corazón do jazz galego coa chegada dunha nova edición do Canjazz, que este ano presenta un cartel con artistas procedentes de Corea do Sur, Arxentina, Senegal, Países Baixos, Portugal ou Galiza, afianzando un ano máis o carácter internacional e de intercambio cultural do festival. Cartel homenaxe … Continue reading O ‘Canjazz 2025’ reúne en Cangas o jazz de catro continentes con artistas de prestixio internacional - 13 ofertas para ejecutar la obra de construcción del Instituto Domingo Villar, en Navia
Los trabajos comenzarán este año y estarán terminadas en 18 meses - O Porriño destina máis de 3.000 m2 á creación de 80 vivendas protexidas
A atención ás persoas maiores e o saneamento integral son as outras dúas prioridades do Goberno local - El Nintendo Switch 2 Tour llega a Vigo al volante de Mario Kart World
Los días 23, 24 y 25 de agosto, en la Porta do Sol
A obra conta tamén con numerosas referencias a colegas e colaboradores que o axudaron a documentar esta historia, como os bibliotecarios de Verín Vicente Fernández e Aurora Prieto, o forense Fernando Serrulla ou o antropólogo Miguel Losada, entre outros.
Entre as páxinas de Onde nacen as bestas aparece tamén mencionado Leo Caldas, o mítico inspector creado por Domingo Villar a quen Pedro Feijoo quixo homenaxear nesta novela.
Xerais celebra ao longo desta semana encontros con lectoras e lectores e con librarías para dar a coñecer en exclusiva algúns dos detalles da novela. A partir da chegada da obra ás librarías, o autor comeza unha rolda de presentacións polas vilas e cidades galegas que se estenderá durante os próximos meses.
