O equipo de goberno de Salceda de Caselas, coa alcaldesa Loli Castiñeira ao fronte, vén de facer pública a concesión da subvención por parte da Xunta de Galicia por un importe de 196.589,04€ dividida en dúas anualidades, que vai permitir acometer a última fase de reforma da Praza de Abastos, con un investimento total de 245.736,30€. A subvención sufragará tamén a elaboración dun estudo de diagnose da situación da praza de abastos que permitirá establecer as pautas a seguir na procura de obter o selo de mercado excelente.
Renovación do pavimento e instalación dun ascensor
As obras a acometer consistirán fundamentalmente na renovación do pavimento interior da praza, cambiando o terrazo existente por un pavimento industrial con morteiro autonivelante antideslizante que eliminará as filtracións de auga cara a zona inferior que existen na actualidade, mellorando deste xeito a estanqueidade e salubridade do espazo.
Por outra banda, instalarase un ascensor montacargas na parte posterior do edificio, conectando a zona de mercado coa zona de aparcadoiro existente na parte traseira. Tamén o acceso de mercadorías pesadas se pasará a realizar por este montacargas, facilitando o servizo ás empresas provedoras, eliminando a carga descarga que ata o de agora se vén facendo pola porta principal do mercado, o que converterá a praza frontal nun espazo libre de vehículos e seguro para as persoas.
Eixo do comercio de proximidade
Loli Castiñeira indicou que dende o Concello búscase aproveitar a situación estratéxica do mercado e potenciar estes espazos como o mellor escaparate do produto galego de calidade, vinculándoos ao contorno en que se integran, ao produto local e a valores como a sustentabilidade, a protección do ambiente, a calidade, o trato personalizado e o compromiso coa sociedade. “A nosa é unha praza que xera dinamismo no noso rural, crea emprego e ofrece uns servizos de calidade para a veciñanza; este é o modelo da Praza de Abastos de Salceda”.
Tamén en vigoalminuto
- Las playas de Ribeira, Santa Marta y A Ladeira, en Baiona reabren al baño
Los nuevos análisis del Sergas levantan la prohibición temporal y permiten restablecer la normalidad en los tres arenales - La Atención Primaria de Vigo agrava su crisis en verano: citas con cuatro semanas de espera
El BNG denuncia el «colapso» de los centros de salud y reclama a la Xunta un refuerzo inmediato de personal - “Mientras Caballero coloca luces en julio, las alcaldesas de A Coruña y Santiago trabajan por sus aeropuertos”
Luisa Sánchez acusa al alcalde de “quedarse solo” por no sumarse al modelo de colaboración que permitirá nuevas rutas en Lavacolla y Alvedro - Nigrán converterá os antigos cines da Ramallosa nun espazo con auditorio e sala de proxeccións
O proxecto, cun investimento de 555.290 euros financiado con fondos europeos - Hallan muerta a Carmen López Rebolo, la joven desaparecida en Lugo el pasado 21 de julio
El cuerpo fue localizado este viernes - “No estaba preparado”: la joven de Vigo que acabó bailando con Chayanne
Encarna acudió al concierto de Castrelos como una espectadora más y terminó sobre el escenario durante ‘Bailando bachata’
Castiñeira lembra que a Praza de Abastos sirve na actualidade como eixo vertebrador e central do comercio de proximidade de Salceda. Nos últimos anos, realizáronse importantes investimentos no mercado, tanto nos postos fixos como nas zonas comúns, co obxectivo de mellorar varios aspectos da instalación, completándose a reforma integral coas actuacións que agora se van desenvolver.
