O Concello de Ponteareas informa de novos roubos de cable eléctrico, nesta ocasión na estación depuradora da Freixa. Un feito que dende os responsábeis municipais califican de “moi grave” ao prexudicar o correcto funcionamento da planta de tratamento. Informa o tenente de alcaldesa e concelleiro de Seguridade, Juan Carlos González, que as forzas de seguridade xa están investigando estes feitos que “danan unha infraestrutura indispensable para o tratamento das augas e a protección do medio ambiente”.
Tamén no barrio da Cruz, Pías e no Alto da Gloria
Ademais, nestes días tamén se produciron roubos de cableado do alumamento público no barrio da Cruz, en Pías, e no Alto da Gloria en Fontenla. “O alumamento público é fundamental para dar seguridade aos barrios do rural. Estes actos vandálicos poñen en risco a seguridade das persoas que van a traballar cedo ou saen dos seus fogares a última hora da tarde ou da noite cando non hai luz natural. Nas parroquias temos xente maior e todas e todos debemos ter a sensibilidade suficiente para pensar que non poden saír a escuras”.
Tamén en vigoalminuto
- El BNG pide a Caballero que descarte el “macrotúnel” hasta Torrecedeira y alerta de otros 20 millones de coste
- El minibús autónomo de la Universidade de Vigo amplía su recorrido y supera ya los 800 usuarios
- Torneiros cambiará por completo: luz LED, novas zonas peonís e un parque acuático
- Denuncian ante Fiscalía una granja de visones por presunto maltrato animal y deficiencias sanitarias
- Mundial 2030: no hay proyecto redactado para Tribuna y no se cumplen los plazos planteados por el Concello
- Vigo aplicará la tasa turística de forma progresiva desde octubre: estas serán las tarifas
Novamente o Concello solicita a colaboración cidadá aportando información útil que poida axudar para localizar á persoa responsable e protexer un servicio público como é a depuración de augas e a alumamento público. “A aportación de datos veraces por parte da cidadanía sempre é unha axuda importante por iso solicitamos novamente que comuniquen as súas sospeitas”.
González Carrera lémbralle aos veciños e veciñas que as empresas autorizadas e os servizos do Concello sempre levan vehículos serigrafíados e uniformes de traballo identificativos, “no caso de ver a alguén que non vaia perfectamente identificado manipulando o cableado deben alertar á Policía Local ou Garda Civil”.
