A Deputación de Pontevedra suma un novo recoñecemento á excelencia do destino Rías Baixas a través dos Premios dos Lectores convocados pola publicación Viajes National Geographic. Despois dun mes de votación entre xaneiro e febreiro, a provincia de Pontevedra foi escollida polos usuarios da revista como o mellor destino de praia, impoñéndose aos outros catro finalistas nesta categoría.
«Nestas terras respírase un ambiente tranquilo que invita a gozar do mar»
Sobre o destino Rías Baixas, a revista destaca que “situadas na costa noroeste de Galicia, as Rías Baixas son un destino de augas tranquilas, illas pequenas e vilas pesqueiras, rodeados dunha fermosa paisaxe verde”. Así mesmo, tamén salienta que “ademais do aire fresco do océano, nestas terras respírase un ambiente tranquilo que invita a gozar do mar, a terra e os deliciosos mariscos da gastronomía galega”.
A provincia de Pontevedra competía nesta categoría con Cabo de Gata (Almería), a Costa Daurada (Tarragona), Gran Canaria e a Costa Occidental de Cantabria.
Tamén en vigoalminuto
- Activo el mayor operativo de playas del verano: más de 130 profesionales velan por tu seguridad en los arenales de la ciudad
- Condenan a Rafa Mir a 8 años y medio de prisión por agresión sexual: la Audiencia da plena credibilidad a las víctimas
- Moaña abre un novo centro de saúde sen urxencias e o BNG acusa a Rueda de “enganar” á veciñanza
- Estabilizado o incendio de Padrón tras arrasar 350 hectáreas e obrigar a desaloxos
- Caballero dice que Vigo no renovó a Ryanair, pero el contrato impedía cualquier prórroga
- Cadena Dial elige Vigo para arrancar su gira de verano con un gran concierto gratuito en Samil
61 bandeiras azuis
O premio ás Rías Baixas como mellor destino de praia amosa que o turismo de sol segue a ser un dos
motivos que convidan a visitar a provincia. A peculiaridade do litoral da provincia de Pontevedra fai que a
súa costa se converta nun espello de norte a sur, con praias veciñas desde as que tamén se poden divisar as vilas mariñeiras ou as bateas. Cómpre lembrar, ademais, que a provincia de Pontevedra é a segunda que conta con máis distintivos de bandeira azul de toda España, con 61 distintivos en 2024, unicamente detrás de Alacante.
