A Central Unitaria de Traballadoras (CUT) presentou unha demanda contra Stellantis España SL por vulneración dos dereitos fundamentais á liberdade sindical e á tutela xudicial efectiva, e tras ser obxecto dunha campaña de desprestixio promovida pola empresa xunto cos sindicatos asinantes do acordo de paga de beneficios.
A CUT denuncia que, tras impugnar legalmente dito acordo por conter cláusulas discriminatorias, «Stellantis e os seus socios sindicais iniciaron unha ofensiva pública culpabilizando á CUT da suspensión da paga variable (paga de beneficios), estendendo esta mensaxe mesmo a centros de traballo fóra do ámbito representativo do sindicato e de aplicación xurídica da sentenza de Vigo, como as plantas de Madrid e Zaragoza».
O sindicato xa advertiu no seu día que o sistema e cláusulas establecidas na paga de beneficios penalizaba aos traballadores/as con baixas por enfermidade común, «e esa advertencia foi ratificada polo Xulgado do Social nº 2 de Vigo, que na sentenza 633/2024 declarou a existencia de cláusulas discriminatorias contrarias ao principio de igualdade».
Outras novas
- La Xunta licita 73 nuevas viviendas públicas en Navia mientras construye ya 309 pisos en Vigo
- El megacrucero ‘Liberty of the Seas’ llega por primera vez a Vigo con 3.200 pasajeros y 12 escalas previstas
- Vigo estrena su I Gala del Turismo con premios al sector y reivindicación de su crecimiento turístico
- Más trenes y más plazas en Galicia: Renfe refuerza el eje Vigo–Santiago–A Coruña con un aumento del 24%
- Heroína, cocaína y armas en Vigo: desarticulado un punto de droga en la Avenida de la Florida
- Denuncian que Digna Rivas deixa a Chapela sen traballadora social «durante meses»
Contexto de exclusión sindical e vulneración de dereitos
A CUT, con representación legal no centro de traballo de Vigo, «foi excluída da negociación do bono discrecional do grupo para este ano, que nada ten que ver co acordo de retribución variable do 28 de
novembro de 2023, onde se acordaron criterios pactados unicamente entre a empresa e sindicatos afíns (SIT, UGT e CC.OO) na comisión da paga de beneficios, sen dar participación á CUT nin permitir a súa
intervención».
