O Sindicato de Enfermaría SATSE, en Galiza denuncia que os profesionais dos PACs do Sergas,sufren penalizacións en distintos aspectos relacionados coas dietas e no desfrute de permisos na súa xornada anual.
Retribucións un 25% menores
Para o Sindicato resultan «lamentables» as condicións deste colectivo, cunhas retribucións totalmente desfasadas e que mostran un tremendo agravio cos profesionais de atención ordinaria (centro de saúde), pois pola mesma actividade, realización de gardas fóra da súa xornada laboral, as súas retribucións son arredor de un 25% menores.
Con ‘dietas’ aprobadas en 2008
As quendas destes enfermeiros/ as son maioritariamente de 17h ou de 24h, co cal deben facer durante a mesma 1 ou 2 comidas, as retribucións que lles abonan neste concepto foron aprobadas no ano 2008 (10€), é dicir 17 anos sen ningunha mellora neste concepto.
Outras novas
- Temperaturas extremas en Galicia: 158 concellos en alerta vermella e suspensión do deporte ao aire libre
- Una columna de humo alarma a los conductores en la AP-9: un coche acaba calcinado en Mos
- El alcalde pide una prórroga para no perder los fondos destinados a Finca Matías y la Diputación garantiza que la tendrá
- Habrá una pantalla gigante en Castrelos para ver el España–Portugal del Mundial
- El TSXG avala al Concello y permite construir varios chalés junto al mar en Cabo Estai
- O BNG propón mobilizar 227 vivendas baleiras da SAREB, ante un alugueiro que rolda os 900 euros
Permisos e baixas laborais
Outra das “penalizacións” que sofren, contrariamente ao resto de persoal é a afectación na súa xornada anual do desfrute de permisos, o feito de estar de baixa laboral, asistencia a cursos de formación ou mesmo ter unha ausencia derivada do acompañamento de un familiar enfermo, provoca que nalgún caso, os profesionais precisen “recuperar” esa xornada.
Esta falta de recoñecemento mantense no tempo, a pesares da intencionalidade que di ter a Dirección de solventar os agravios, «o certo é que estes segue a perpetuarse de forma indefinida e precarizan enormemente as condicións laborais de estes profesionais».
Á vista desta situación, desde SATSE solicitan que a mesma se revirta a maior brevidade, e se revisen a alza tanto as retribucións pola xornada complementaria como o resto de condicións laborais, e «poñeremos a dispoñibilidade dos profesionais afectados reclamacións individuais, e mesmo mobilizacións en toda a Comunidade Autónoma».
