O deputado provincial Alejandro Lorenzo, visitou hoxe coa alcaldesa de Salceda de Caselas, Loli Castiñeira, Entenza, onde anunciou que a Deputación de Pontevedra financiará integramente o saneamento da parroquia, cun investimento de 875.000 euros. Farao a través de 700.000 euros do Plan Extra e tamén doutros 175.000 € do Plan +Provincia que se aprobarán este venres en Xunta de Goberno e cos que a Concello de Salceda achegará a aportación municipal para completar a actuación, demanda histórica da veciñanza de Entenza.
120 vivendas
Alejandro Lorenzo deu conta dos traballos que se realizarán con estes recursos, cos que Salceda de Caselas vai construír colectores nesta zona rural do concello para recoller as augas residuais, que na actualidade carece deste servizo. Beneficiaranse unhas 120 vivendas e é unha das prioridades do concello no actual mandato.
Desta maneira, as augas chegarán aos colectores do Louro para entregalas na EDAR de Guillarei -en Tui- . En concreto, executaranse doce tramos de colectores de saneamento en tubaxe de PVC compacto de diámetro 315mm, realizarase a recollida das augas fecais dos núcleos citados ata a conexión coa rede existente, realizarase a conexión ao Colector Interceptor do río Caselas no pozo denominado PR-28 (aliviadoiro de Arantei) e a reposición de gabias en estradas municipais.
Tamén en vigoalminuto
- La travesía entre las Cíes y Baiona bate récord de participación con más de 160 nadadores
- Vigo ya vive el Galicia Fest: el puerto se transforma con un macroescenario y miles de asistentes en camino
- AP-9: a Xunta rexeita asumir 4.000 millóns e pide volver ao acordo orixinal da transferencia
- Miles de trabajadores podrían recuperar descuentos en la paga de beneficios tras una sentencia contra Stellantis
- Deep Purple agota en 9 minutos las primeras 500 entradas telemáticas para su concierto en Castrelos
- Marisquiño reunirá a referentes mundiales del skate y BMX adaptado, en un evento único en el mundo
Alejandro Lorenzo lembrou ademais que o +Provincia 2025 engadirá novos recursos, que se aprobarán este venres levará xa distribuídos preto de 12 millóns de euros neste 2025 entre os concellos da provincia de menos de 50.000 habitantes.
