A Sala do Social do Tribunal Superior de Xustiza de Galicia (TSXG) vén de admitir o dereito de una pensión de viuvez a una muller, pola morte do seu ex marido, logo de dar por acreditado que fora vítima de violencia machista, mesmo sen denunciar ao seu agresor.
Así, o alto tribunal estima o recurso da vítima contra a sentenza do Xulgado do Social número 3 de Vigo, que lle denegara a prestación. Os xuíces entenden que os feitos presentados amosan un «escenario familiar conflitivo, onde se mesturaba, ademais, o alcoholismo do ex esposo da demandante, dando lugar a situacións violentas presenciadas polo fillo».
Tamén en vigoalminuto
- La huelga de limpieza de Vigo, seguida al 100%, deja ya 250 toneladas diarias de basura sin recoger
- Gondomar investirá 300.000 euros na transformación e mellora do cemiterio municipal
- El alcalde culpa a PP, BNG, Xunta y Federación, pese a que no hay proyecto para ampliar Tribuna
- El BNG pide a Caballero que descarte el “macrotúnel” hasta Torrecedeira y alerta de otros 20 millones de coste
- El minibús autónomo de la Universidade de Vigo amplía su recorrido y supera ya los 800 usuarios
- Torneiros cambiará por completo: luz LED, novas zonas peonís e un parque acuático
A causa dos mesmos, a vítima «iniciou un proceso de separación ou divorcio que lle levou a consultar coa asesora xurídica do Centro Municipal de Información da Muller do Concello de Vigo, a quen lle manifestou a existencia de malos tratos psicolóxicos, sen que haxa dato algún do cal se poida deducir que esa manifestación fose incerta, interesada ou espuria».
Isto, engaden os maxistrados, colocou á muller nunha» situación onde interseccionan varias causas de vulnerabilidade que, en maior ou menor medida, estaban presentes tamén durante a vixencia do matrimonio».
Finalmente, a Sala tomou en consideración sentenzas anteriores, analizando a situación da vítima e as súas posibilidades de actuación, «atendendo ao contexto social e xurídico no cal se desenvolveu, así como a súa propia situación persoal e familiar».
