A comunidade deportiva de Salceda de Caselas segue medrando a un ritmo imparable, impulsada polo esforzo constante dos clubs locais, coa axuda do Concello. Porén, esta expansión choca cunha realidade preocupante: a insuficiencia de espazos deportivos dispoñibles para dar cabida a todos os seus usuarios.
Un pabillón municipal para 600 deportistas
Actualmente, máis de 600 deportistas deben compartir un único pavillón de titularidade municipal, dispoñible a tempo completo, e outros dous propiedade da Comunidade de Montes de Entenza e do IES Pedras Rubias da Xunta de Galicia, dos que se pode facer uso parcial para adestramentos.
Isto que provoca graves problemas de xestión horaria e os equipos vénse obrigados a adestrar simultaneamente na mesma pista, con ata catro conxuntos compartindo espazo, ademais de atopar dificultades para organizar os encontros de cada xornada.
Recollida de sinaturas
Ante esta situación, os clubs deportivos de Salceda, decidiron tomar medidas e iniciar unha campaña de recollida de sinaturas. O obxectivo é presentar esta demanda ante a Xunta de Galicia e a Deputación de Pontevedra, xunto cunha solicitude de reunión para expor a magnitude do problema e buscar financiación para unha solución efectiva.
Tamén en vigoalminuto
- La ciudad mantiene el tirón turístico tras un verano de hoteles casi llenos en las Rías Baixas
- O BNG pide aos vigueses que decidan en que gastar os cartos do Concello en 2027
- Un velero, 70 fardos y 2.100 kilos de cocaína: golpe al narcotráfico a 400 millas de Galicia
- Un individuo prende fuego al colchón de una persona sin hogar en Vigo y un taxista evita que muera atrapada por las llamas
- La Agencia Tributaria interviene más de 2.000 kilos de cocaína en un velero a 400 millas de las costas gallegas
- Bruno y Teo hacen historia en Pésaro: sextos del mundo y la mejor pareja española
Plan Extraordinario 2025 da Deputación
Na reunión celebrada o 26 de febreiro, o Concello de Salceda de Caselas comprometeuse a solicitar o Plan Extraordinario de Infraestruturas Deportivas 2025 da Deputación de Pontevedra, dotado con 875.000€ co obxectivo de destinar estes fondos ao proxecto do novo pavillón, esencial para atender a crecente demanda deportiva da vila.
Campaña en Change.org
Os diferentes Clubs que subscriben esta nota van da man do Concello na solicitude de colaboración as diferentes administracións. Un novo pabillón ten un custe moi elevado -proxecto valorado en 1.900.000€- e o Concello non o pode asumir por si só.
De aí que «dende os clubs deportivos apelamos á colaboración da cidadanía para apoiar esta iniciativa. Animamos a todas as persoas a asinar a campaña en Change.org porunnovopavillonparasalceda a través da ligazón dispoñible e a compartila nas súas redes sociais, familiares e amizades».
