O subdelegado do Goberno púxose en contacto coa alcaldesa de Redondela para anunciarlle que as obras de reparación da curva de Trasmañó, na estrada N-552, xa están adxudicadas e que teñen un importe de 2,4 millóns de euros.
Abel Losada explicou que nos próximos días vaise pintar toda a sinalización horizontal en amarelo, xunto con accións preparatorias. Porén o comezo as obras non poderá realizarse ata que as condicións meteorolóxicas o permitan.
Cortar un carril
Losada indicou que vai ser necesario cortar un carril de circulación para a reparación e consolidación do terraplén para, a continuación, reafirmar o terreo, executar a drenaxe e renovar por completo o paquete de firmes.
Ademais, agradeceu a colaboración do Concello de Redondela e a súa alcaldesa, «que durante todos estes meses estivo en contacto permanente coa Demarcación de Estradas e coa Subdelegación para facer o seguimento desta actuación».
Tamén en vigoalminuto
- El Concello mantiene sin autorización la pantalla del España-Bélgica, tras recibir la documentación complementaria de la Diputación
- La pantalla gigante de la Praza da Estrela para ver el España-Bélgica, en duda tras el aviso del Concello a la Diputación
- Vigo activa los preparativos de la Navidad con un contrato de 610.000€ para la decoración luminosa
- Vigo prohíbe la música en directo en los chiringuitos, mientras Nigrán sí la permite con límites
- El PAC de Cangas, al límite: denuncian falta de médicos, más presión asistencial y derivaciones desde Moaña
- Prohibido o baño na praia da Armona, na Guarda, tras detectarse contaminación microbiolóxica na auga
Unha obra complexa
O subdelegado advertiu que a obra “ten a súa complexidade” e vaise prolongar durante varios meses, polo que lle pediu á alcaldesa que informe destas circunstancias á veciñanza. Así mesmo, Losada indicou que respecta os «xogos demagóxicos» das forzas políticas que, coñecendo que o comezo da obra é inminente, tratan de sacar réditos políticos pedindo precisamente o comezo dunhas obras que xa están planificadas. “Iso si, deberían informarse un pouco mellor antes de falar, porque pedir que se licite o que xa está adxudicado é, paradoxicamente, ir por detrás dos acontecementos”, incidiu.
Finalmente, o subdelegado do Goberno subliñou os investimentos que se están a realizar en Redondela, coa recente pavimentación da rotonda de Cabanas, na saída da AP-9, e a mellora dos viais perimetrais á autoestrada neste Concello.
