O presidente da Xunta anunciou hoxe que todas as persoas dependentes contarán cunha axuda económica instantánea mentres non dispoñen dunha praza nun servizo de atención á dependencia.
Durante a sesión de control no Pleno do Parlamento de Galicia, Alfonso Rueda fixo balance da
situación da dependencia en Galicia, lembrando que no ano 2021 un primeiro plan de choque de dependencia supuxo que “puideramos incrementar nun 20% o número de dependentes atendidos e axilizar nun 15% os tempos de atención». Como resultado, asegurou o xefe do Executivo, «o número de demandantes en dependencia aumentou en máis dun 40%».
«Non é suficiente»
Rueda apuntou a que estas cifras “non son suficientes” e que “hai que seguir mellorando” polo que, asegurou, o segundo plan de axilización, xa vixente, busca simplificar trámites, cun prazo máximo de 6 meses, e concederá próximamente unha contraprestación económica para aquelas persoas dependentes mentres non conten coa praza que solicitaran nun servizo de atención á dependencia. Así mesmo, Rueda apuntou que «nos primeiros 40 días deste plan, 6.000 persoas melloraron o seu grao de discapacidade».
Tamén en vigoalminuto
- La huelga de limpieza de Vigo, seguida al 100%, deja ya 250 toneladas diarias de basura sin recoger
- Gondomar investirá 300.000 euros na transformación e mellora do cemiterio municipal
- El alcalde culpa a PP, BNG, Xunta y Federación, pese a que no hay proyecto para ampliar Tribuna
- El BNG pide a Caballero que descarte el “macrotúnel” hasta Torrecedeira y alerta de otros 20 millones de coste
- El minibús autónomo de la Universidade de Vigo amplía su recorrido y supera ya los 800 usuarios
- Torneiros cambiará por completo: luz LED, novas zonas peonís e un parque acuático
Vivenda
Tamén durante a sesión de control, o presidente da Xunta referiuse á situación da vivenda en Galicia e reiterou o seu compromiso de duplicar o parque público de vivenda nesta lexislatura. Neste sentido, sinalou que a Sociedade de Vivenda Pública de Galicia, constituída recentemente, xa levou catro acordos en Consello da Xunta para promover vivendas.
