A Deputación de Pontevedra pon a disposición dos concellos de menos de 20.000 habitantes da provincia axudas por preto de 4 millóns de euros para facer fronte a políticas sociais. En concreto, trátanse de 830.000 euros para a prestación das Axudas Básicas de Emerxencia e de preto de 3,1 millóns de euros para o Plan de Cofinanciamento dos servicios sociais comunitarios municipais.
Coa publicación das bases no Boletín Oficial da Provincia de Pontevedra, os concellos teñen desde este mércores,5 de febreiro, un mes de prazo para solicitar estes recursos.
Axudas Básicas de Emerxencia
Con contías máximas que oscilan entre os 7.800 e os 14.000 euros por concello, van destinadas a atender as demandas da cidadanía que se atope en situación ou risco de exclusión social, con especial atención a aquelas persoas que teñan menores ao seu cargo.
Dos 830.000 euros mobilizados- 230.000 € máis que o pasado ano- preto de 620.000 van destinados a gasto corrente, como alimentación, uso da vivenda, pagamento de servizos e subministros básicos, e máis de 210.000 a investimentos.
Tamén en vigoalminuto
- USO denuncia calor extremo en la estación de Ourense, tras registrarse desmayos de trabajadores
- El Concello activa un dispositivo especial por la ola de calor
- Esta noche, en Vigo tendremos que elegir entre Deep Purple o la selección española
- Vigo construye la mayor plataforma solar marina del mundo: ya navega rumbo a Valencia
- La Feria del Libro de Vigo llena este jueves la ciudad de actividades y firmas de autores: consulta el programa completo
- Detectan por primera vez en las Rías Baixas una macroalga invasora tropical
Plan de Cofinanciamento dos servizos sociais comunitarios municipais
Ademais, a Deputación de Pontevedra tamén acaba de activar o Plan de Cofinanciamento dos servizos
sociais comunitarios municipais, a través do cal pon a disposición preto de 3,1 millóns de euros, con contías máximas que oscilan entre os 24.000 e os 120.000 euros por concello.
Estes recursos distribúense en 1,2 millóns de euros dirixidos a sufragar a prestación directa do Servizo de Axuda no Fogar (SAF), un servizo que atende a persoas maiores e con discapacidade, especialmente cando carezan de apoio persoal no seu medio inmediato, e complétanse cos preto de 1,9 millóns para cubrir os custos do persoal dos Servizos Sociais Comunitarios nos concellos.
