O pico de casos de gripe en Galicia chegará entre os días 20 e 26 deste mes. Esa é a estimación da Consellería de Sanidade, logo de detectar un incrento dun 21% de casos entre a penúltima e a última semana do pasado ano 2024. Así mesmo, hai unha subida da asistencia de pacientes ás Urxencias e consultas de Atención Primaria.
Polo que ten que ver coa Covid-19, a súa incidencia segue estable e non se detecta a do virus respiratorio sincitial (VRS), logo da segunda campaña de vacinación en bebés, iniciada, como informara vigoalminuto, o pasado mes de setembro.
Tamén en vigoalminuto
- Los bomberos liberan a una conductora atrapada tras un vuelco en la AG-57
- El mercado creativo MONA regresa al Paseo de Alfonso con arte local y regalos únicos
- Convocan una jornada de huelga en Amazon de O Porriño, la víspera de Nochebuena, para exigir mejoras laborales
- Dimite el responsable de redes sociales de Vox tras una denuncia por acoso sexual a un menor
Segue a campaña de vacinación da gripe
Dende o SERGAS apuntan que a campaña de inmunización fronte á gripe non acabou. Así, segundo os datos oficiais até o día 4 de xaneiro, publicados na web do Observatorio de Saúde Pública de Galicia, sinalan que hai 769.415 persoas vacinadas e un 74,25% de inmunizados entre os maiores de 65 anos.
Entre os nenos de entre 6 e os 59 meses esta porcentaxe, está no 61,56%, moito menos en mulleres embarazadas -o 35,06%- e apenas un 48% entre o persoal sanitario.
