Contempla 50 medidas e unha folla de ruta a seguir en materia de igualdade en todas as políticas municipais
Nun acto celebrado no Concello, o alcalde do Porriño, Alejandro Lorenzo, e a concelleira de Igualdade, Carolina González, presentaron o V Plan de Igualdade de Oportunidades entre mulleres e homes.
«Hoxe damos un paso importante cara ao futuro», afirmou o alcalde, quen destacou que este plan non só inclúe unha serie de medidas concretas, senón que tamén «reflicte o firme compromiso do Concello coa igualdade de xénero. No Porriño, a igualdade non é só un obxectivo, é unha realidade á que aspiramos todos os días», engadiu.
2025-2028
O V Plan de Igualdade, que se implementará entre 2025 e 2028, ten como obxectivo garantir que todas as veciñas e veciños do Concello teñan as mesmas oportunidades, dereitos e liberdades, sen distinción de xénero. Con 10.446 mulleres fronte a 10.116 homes na poboación, o alcalde subliñou a importancia de que “esta equidade se reflicta nas políticas e decisións que tomamos”.
Tamén en vigoalminuto
- Localizada la joven desaparecida en Vigo
- El tranvía vuelve a Nigrán 58 años después de su desaparición: así era la línea que conectaba la comarca con Vigo
- Sumar xa ten candidata á Alcaldía de Vigo e pon a vivenda no centro: quere limitar os alugueiros en toda a cidade
- Las Illas Atlánticas mantienen el tirón: 450.000 visitantes este verano y un 40% más en septiembre
- A juicio por insultos racistas a una menor en un Vitrasa: “Parece que voy en una patera”
- 100 millones de euros públicos y 100.000 pacientes: el BNG exige a la Xunta aclarar el contrato de Povisa antes de renovarlo
Cambio nas novas xeracións
Entre os obxectivos do plan atópanse promover a igualdade real e efectiva, facilitar a conciliación da vida laboral, persoal e familiar, e erradicar a violencia machista, unha das maiores secuelas da sociedade actual. «Cada unha das 50 medidas que propoñemos está deseñada para transformar a sociedade de maneira real», explicou Lorenzo.
Cabe destacar que o documento ten un forte enfoque educativo, recoñecendo que a clave para o cambio radica nas novas xeracións. «Debemos educar sen roles nin estereotipos de xénero para construír unha sociedade libre de violencia, onde todos e todas podamos vivir sen medo e con liberdade», afirmou o rexedor.
A concelleira de Igualdade, Carolina González, explicou o documento polo miúdo agradeceu a todos os que traballaron na elaboración do plan, destacando o labor da responsable do CIM do Porriño. «Non só falamos de medidas concretas, senón dunha folla de ruta que sitúa á igualdade no centro das políticas municipais. Este plan é un gran paso cara a unha sociedade igualitaria, inclusiva e libre de violencia», concluíu.
Alejandro Lorenzo pechou o acto reafirmando o compromiso do Concello: «o cambio é posible se estamos unidos na loita pola igualdade. Estamos aquí como administración máis próxima para lideralo».
