Urxencias Sanitarias de Galicia-061 asistiu durante a fin de semana 51 persoas debido a 39 accidentes de tráfico ocorridos nas estradas galegas entre as 3 da tarde do venres 15 e as 12 menos un minuto da noite deste domingo, 17 de novembro.
A Central de Coordinación do 061, que xestiona e coordina os servizos prehospitalarios en casos de urxencia e emerxencia, recibiu nestes días 47 chamadas en relación cos accidentes de tráfico.
Ademais en vigoalminuto
- Peinador creció en noviembre en número de viajeros, pero sigue siendo el tercer aeropuerto gallego
Con 96.054 pasajeros, frente a los 1080.080 de Alvedro y 153.855 de Santiago-Rosalía de Castro - Las obras de la Avenida de Madrid se prolongarán 4 meses más de lo previsto
Debido a la necesidad de rediseñar la red de drenaje prevista inicialmente - El Puerto inicia la instalación de las pasarelas de acceso al visor submarino de “Peiraos do Solpor”
El Paseo de los Peces estará cerrado desde el domingo para permitir la operación, que requiere una grúa de 650 toneladas.
Os recursos sanitarios mobilizados polos médicos que atenderon as chamadas foron 48. Así, as ambulancias asistenciais de soporte vital avanzado asistiron en 4 accidentes; o helicóptero medicalizado mobilizouse nunha ocasión; as ambulancias asistenciais de soporte vital básico asistiron en 41 sinistros e os equipos sanitarios de Atención Primaria prestaron asistencia sanitaria en 2accidentes.
Unha persoa perdeu a vida
En 44 casos os feridos foron trasladados aos centros sanitarios correspondentes, en seis ocasións atendeuse no propio lugar do incidente e unha persoa faleceu no punto.
Esta foi a que caeu por un terraplén de 80 metros, o domingo no concello de Quiroga. Foi un particular o que deu o aviso, sobre as 14:30h., ao 112 Galicia indicando que o conductor podería estar morto.
De inmediato, desde a sala de operacións do 112 Galicia solicitouse a intervención do persoal do Servizo de Urxencias Sanitarias de Galicia-061, os cales decidiron mobilizar o helicóptero medicalizado con base en Ourense ata o punto, aínda que, desgraciadamente, nada se puido facer pola vida da persoa.
A maiores, tamén se alertou aos Bombeiros de de Monforte, ao GES de Quiroga, aos axentes da Garda Civil e aos efectivos de Protección Civil.
