A Rede Galega de Educacións en Prisión (Regaep), da que forma parte a Asociación Érguete, advirte que as medidas recollidas no Real Decreto Lei 2/2024 de 21 de maio, “polo que se adoptan medidas urxentes para a simplificación e mellora do nivel asistencial da protección por desemprego”, suprimen o subsidio de excarceración. de carácter asistencial que tiña como finalidade garantir un apoio básico a reinserción das persoas excarceradas, “o que supuña unha pequena axuda humanitaria e social, co fin de reducir os efectos negativos do encarcelamento e as taxas de reincidencia”, explican dende a Regaep.
Outras novas
- La Diputación, dispuesta a negociar el Mundial con Caballero si antes sabe qué hará el Concello con los 107 millones que costará
- Herido leve un camionero de 44 años tras chocar contra la mediana en la AP-9 en Vigo
- Un extraño lenguado de la ría desconcierta a los científicos: tiene negro hasta el vientre
- Un desfile de Disney y un espectáculo de luces abrirán la Navidad de Vigo
- La Xunta acepta reunirse con el Concello por el Mundial 2030… siempre que participe el Gobierno de España
- Unha borrasca camiña cara a Galicia cun temporal de choiva, vento e ondas de ata seis metros
Ás colas do ingreso mínimo vital
Na Rede Galega lamentan que dende o pasado 1 de novembro, as persoas excarceradas pasan a engrosar as colas do Ingreso Mínimo Vital (IMV) e iso soamente “no mellor dos casos”. Isto provoca unha situación “de indefensión e desamparo polos requisitos, o sistema e os mecanismos de acceso a Ingreso Mínimo Vital que existen a día de hoxe”. Ademais, na Regaep tamén solicitan, “a quen corresponda”, que facilite a información relativa a este “substancial cambio que vai afectar ás persoas privadas de liberdade dos establecementos penitenciarios galegos”.
Na Regaep deseñaron unha infografía en galego e castelán para que poida estar a disposición das persoas privadas de liberdade e na que terán acceso a información importante sobre os trámites precisos para a solicitude do Ingreso Mínimo Vital que vai a substituír ao subsidio de excarceración.
A Rede Galega de Educacións en Prisión está formada por un conxunto de entidades sociais que traballan en clave socioeducativa coas persoas privadas de liberdade, nos cinco centros penitenciarios e nos dous CIS de Galicia. “O noso obxectivo é reivindicar o potencial da educación como dereito e como necesidade, non só para mellorar a calidade de vida das persoas senón tamén dos contextos sociais dos que forman parte”, destacan.
