Este martes presentouse no Porriño o obradoiro “O Noso Encontro co Emprego”, un innovador programa de formación e emprego dirixido a mozos menores de 30 anos. O evento, que tivo lugar nas instalacións de Porremprego, contou coa participación do alcalde, Alejandro Lorenzo e a delegada territorial da Xunta en Vigo, Ana Ortiz, que estiveron acompañados pola directora do Obradoiro, Begoña Echegaray.
480.000 euros
Este novo programa, que require un investimento total de máis de 480.000€, financiarase principalmente a través da Consellería de Emprego, con 439.000€, aos que se suma unha achega municipal de 45.000€. Durante o mesmo, 16 alumnos-traballadores beneficiaranse desta formación, divididos en dúas especialidades: albalenería urbanización e carpintería, con oito participantes en cada unha.
Traballos no Paseo do Louro e no Polígono da Granxa
Os alumnos de carpintería poñerán en práctica os seus coñecementos reparando tres pasarelas no Paseo do Louro, mellorando así a accesibilidade na senda peonil que bordea o río. En canto aos futuros albaneis, encargaranse dos labores de urbanización e pintura na rúa Paralela 3 do Polígono Industrial da Granxa, onde se executarán novas beirarrúas.
Ademais en vigoalminuto
- La pantalla gigante de la Praza da Estrela para ver el España-Bélgica, en duda tras el aviso del Concello a la Diputación
- Vigo activa los preparativos de la Navidad con un contrato de 610.000€ para la decoración luminosa
- Vigo prohíbe la música en directo en los chiringuitos, mientras Nigrán sí la permite con límites
- El PAC de Cangas, al límite: denuncian falta de médicos, más presión asistencial y derivaciones desde Moaña
- Prohibido o baño na praia da Armona, na Guarda, tras detectarse contaminación microbiolóxica na auga
- Qué hacer en Vigo y su área este fin de semana: todas las fiestas, conciertos, festivales y planes del 10 al 12 de julio
12 meses de duración
O programa “O Noso Encontro co Emprego” terá unha duración de doce meses e “representa unha valiosa oportunidade para que os mozos se formen e adquiran experiencia en profesións altamente demandadas no mercado laboral, aumentando así as súas posibilidades de inserción laboral”, tal e como trasmitiu o alcalde Alejandro Lorenzo, quen instou aos novos traballadores a “aproveitar ao máximo esta experiencia”, subliñando a importancia do servizo público que brindarán a todo o pobo.
Pola súa banda, a delegada Ana Ortiz, incidiu en que están “ante unha ocasión magnífica para abrir unha ventá ao mercado de traballo, xa que tanto a sociedade como as empresas necesitan xente formada, aí é onde tedes a vosa oportunidade”.
O acto de presentación celebrouse dun xeito especial, xa que os alumnos doutro obradoiro de emprego do Porriño, centrado na especialidade de cociña, ofreceron o almorzo, dando a benvida aos novos compañeiros.
