O Concello de Covelo continua investindo na mellora da rede de saneamento municipal , chegando ao barrio de Carballeda, na parroquia de Santiago de Covelo e ao de Vales, en Maceira.
Como adiantou o alclade, Pablo Castillo, o Concello investirá 69.753,81€ para un novo ramal en Carballeda, outro en Vales, acometidas en Baldomar, Santa Marina e acometida na Ermida, Santiago de Covelo. «Unha rede de saneamento axeitada non só é un servizo indispensable para a cidadanía, tamén supón unha protección do entorno medioambiental», subliña o alcalde, lembrando que «o Goberno local considera unha prioridade o respecto e preservación da nosa riqueza natural«.
Outras novas en vigoalminuto
- La Diputación, dispuesta a negociar el Mundial con Caballero si antes sabe qué hará el Concello con los 107 millones que costará
- Herido leve un camionero de 44 años tras chocar contra la mediana en la AP-9 en Vigo
- Un extraño lenguado de la ría desconcierta a los científicos: tiene negro hasta el vientre
- Un desfile de Disney y un espectáculo de luces abrirán la Navidad de Vigo
- La Xunta acepta reunirse con el Concello por el Mundial 2030… siempre que participe el Gobierno de España
- Unha borrasca camiña cara a Galicia cun temporal de choiva, vento e ondas de ata seis metros
Colectores, pozos de rexistro, reposición de pavimentos
As obras dos ramais suporán executar colectores, construír pozos de rexistro, corte e reposición de pavimentos, limpeza de beiravías e sinalización, con marcas viais horizontais, as marxes do camiño.
Neste ano o Concello de Covelo tamén executou o ramal de saneamento e bombeo en Maceira contando cunha aportación da Xunta de máis de 69.700 euros que permitíu que este servizo chegara a todas as vivendas coa ampliación da rede de colectores. Os traballos incluiron a construción dun colector de saneamento e dun pozo de bombeo, así como a instalación dun cadro eléctrico. Tanto esta intervención como as que se contratan agora materialízase a través da liña non competitiva do Fondo de Compensación Ambiental, destinado a apoiar os Concellos nas melloras que repercutran no medio natural.
A estas accións de mellora súmase a axuda conseguida de Augas de Galicia, de 21.874 euros para a realización de auditorías nas redes de saneamento.
Fin de semana de patinaxe
Sen saír de Covelo, o seu Clube de Patinaxe celebra este mesmo sábado o seu Trofeo Cruceiro de Covelo no que participarán máis de 150 patinadoras e patinadores das categorías benxamín e alevín. Deportistas autonómicos e estatais chegados de clubs de toda Galicia medirán as súas forzas nos niveis 1, 2, 3, 4, 5 e 6 .
