A borrasca Kirk deixa decenas de incidentes en todo o termo municipal de Nigrán, fundamentalmente corte de estradas ante a caída de árbores, pero ademais, os refachos desta noite provocaron o desprendemento dunha das placas da cuberta do Pavillón Municipal de Panxón, quedando ao descuberto. Por este motivo, o Concello de Nigrán avisa aos usuarios da suspensión de todas as actividades deportivas que se desenvolven no seu interior ata novo aviso.
Desde primeira hora, un dispositivo de preto de 50 persoas composto por todos os operarios municipais, brigada forestal e desbrozadores se apuran en devolver a situación á normalidade coordinados desde a Policía Local.
Tamén en vigoalminuto
- Vigo encherase de ritmo: a música dixie chega este venres á Praza do Emigrante
- Giro en la huelga de basura de Vigo: FCC mueve ficha y cita al comité tras cuatro días de paro
- Durante el mandato anterior, la Diputación llegó a tardar 2 años y cuatro meses en pagar al Concello de Vigo
- Prohibidas desde este venres as queimas agrícolas e forestais: os concedidos quedan anulados
- La Justicia alerta de un “grave riesgo” y condena al Concello por la situación de los Bomberos
- Unha faixa xigante e a imaxe do Rei do revés: Galiza Nova protesta contra o desfile militar
O traballo consiste maiormente na retirada de árbores de estradas como a de Chandebrito, onde o alumnado tivo problemas para desprazarse tanto ata o Colexio Estudio (situado na propia parroquia) como aos centros escolares ubicados no termo municipal de Vigo. Tamén se rexistraron caída de árbores no Ceán, en Vilariño (Padres Franciscanos), núcleo da Ramallosa, As Rozadas, A Touza.
