A conversión de locais comerciais en vivendas será posible sen modificar o Plan Xeral e os prazos de tramitación de solo residencial redúcense á metade. Son dous das medidas que Alfonso Rueda anunciou este martes para facilitar o acceso á vivenda. Estas iniciativas xunto coa multiplicación por tres do orzamento destinado a chan residencial e a construción de vivenda pública, ata chegar ata os 126 millóns de euros, estarán plasmadas nas contas de 2025.
Durante a súa comparecencia no Parlamento para explicar as liñas estratéxicas dos vindeiros orzamentos da Xunta, o xefe do Executivo galego adiantou que estarán en marcha unha serie de medidas legais de choque para incrementar rapidamente a oferta de vivenda e atallar a actual crise de prezos.
Nesta liña, ás anteriores iniciativas engadiranse outras como outorgar durante un prazo de tres anos a cobertura legal para recuperar os edificios inacabados durante a crise económica.
Duplicar o parque público residencial e dar facilidades á mocidade
O obxectivo apuntou Alfonso Rueda, é duplicar o parque público residencial na presente lexislatura, ata chegar aos 8.000 inmobles, e facilitar o acceso á vivenda a poboación, en especial aos colectivos máis vulnerables.
O presidente subliñou que a mocidade é un dos grupos con máis dificultades na actualidade para acceder a un fogar, anunciou tamén unha medida para mellorar a inserción laboral deste colectivo. Así, sinalou, a Xunta vai elaborar no 2025 a Estratexia Mocidade Activa, dotada de 20 millóns de euros para incentivar a contratación de xente nova e formala para mellorar a súa empregabilidade.
Para Pontón, o presidente dixo un «rustrido de iniciativas xa presentadas»
Para a líder da oposición, Ana Pontón, Alfonso Rueda foi hoxe ao Parlamento a facer un «rustrido de iniciativas xa presentadas». A voceira nacional do BNG pediulle ao presidente que deixase de poñer ao PP por riba de Galicia y acusouno de non ter proxecto de futuro.
Pontón criticou o anuncio de «milleiros de vivendas» que fixo o xefe do Executivo asegurando que detrás delas «so hai un boicot ás medidas valentes que beneficia á xente», como as que aplica o Concello de Santiago para regulamentar as vivendas de uso turístico.
A portavoz nacionalista tamén reprochou a Rueda que renunciase á quita da débeda, e acusouno de non traballar para os galegas e galegos, «vostede traballa para o PP e as empresas amigas» e sinalou como exemplos o «desbloqueo do espolio eólico para que as eléctricas continúan forrándose a costa dos galegos» e permitindo que unha multinacional como Altri poña unha macrocelulosa contaminante, «que, por certo, non quere Portugal».
Tamén en vigoalminuto
- Informe del Colexio de Xornalistas sobre el Concello de Vigo: fuentes inaccesibles, declaraciones enlatadas y un alcalde que no responde preguntas
- Vigo entra en alerta preventiva por la escasez de agua y la Xunta declara la sequía prolongada en 74 concellos
- La estatua de Iago Aspas costará 295.000 euros: 200.000 para hacerla, 80.000 para llevarla y 15.000 en premios
- El lunes empieza a funcionar el hospital de día médico del Cunqueiro para evitar ingresos y aliviar las Urgencias
- O Porriño se prepara para cuatro días de fiestas con SÉS, D. Valentino, Kate Ryan, Gisela y Panorama
- La Diputación amplía hasta 2027 el plazo para que el Concello de Vigo no pierda 4,15 millones en dos obras
Para Besteiro, Rueda «está ao que manda Feijóo dende Madrid»
Para o secretario xeral dos socialistas galegos, Galicia necesita «un presidente da Xunta que aproveite as oportunidades que se abren en materia de financiación» e non un gobernante que siga «o que lle manda Alberto Núñez Feijóo desde Madrid».
José Ramón Gómez Besteiro lembrou que Galicia é a comunidade na que máis soben os prezos y apuntou que si hoxe houbese que pagar a débeda pública habería que empregar o orzamento de todo un ano.
Besteiro acusou a Rueda de «boicotear e torpedear» a aplicación da Lei de Vivenda e pediulle que rectificase, «seguimos agardando que exerza de verdade de presidente e non teña que esperar a que alguén lle mande o que ten que te facer».
