A Plataforma pola Sanidade Pública de Tomiño convocou esta fin de semana unha nova marcha polas rúas da vila, para rematar diante do Consultorio médico, que a día de hoxe segue pechado.
O conselleiro de Sanidade, Julio García Comesaña, dixo o pasado 8 de novembro, no Parlamento de Galicia, que o Servizo Galego de Saúde (SERGAS) reabriría o Consultorio de Goián, cun médico e enfermeira especialista en Atención Familiar Comunitaria. Igualmente dixo que se poría en marcha unha iniciativa piloto onde a Saúde Comunitaria cobraría unha especial relevancia.
Mentira «descarada»
Dende a Plataforma denuncian que «estamos cansos de que se nos minta dunha maneira tan descarada e que se estea a pagar un aluguer por un consultorio que segue pechado a cal e canto«. Esta situación, «tan penosa e deporable» para os usuarios do Consultorio de Goián, repercute negativamente no Centro de Saúde de Tomiño, «que esta sufrindo a falta de médicos dende outubro». Situación que tamén denuncia a Plataforma, porque nestes momentos só hai 3 médicos dunha plantilla de 8.
Sen médicos de cabeceira
A situación é caótica porque non hai médicos de cabeceira que fagan seguimiento dos pacientes, e conseguir citas presenciais é case misión imposible, «todo isto na época con maior incidencia de enfermedades respiratorias».
