Camela, unha das bandas máis queridas do noso país, únese á programación outonal do Auditorio Mar de Vigo, na que destacan, entre outras, as actuacións de artistas e bandas internacionais e nacionais como Asaf Avidan, Calexico, Niña Pastori, Manolo García (para o que non quedan entradas), ou Víctor Manuel entre outros.
Así, o 18 de novembro, Camela presentarán en Vigo o seu novo disco, «Que la música te acompañe». Camela, cunha traxectoria de máis de tres décadas, deixou pegada no panorama musical, co seu estilo «tecno-rumba». Por iso «Que la música te acompañe» promete ser unha produción excepcional que reflicte a evolución artística e o espírito auténtico da banda.
A presentación do novo disco de Camela en Vigo «promete ser unha experiencia inigualable que deleitará aos fans e consolidará o legado dunha das bandas máis queridas do noso país». As entradas xa están á venda a través de www.teuticket.com.
