A CIG-Servizos convocará folga no comercio de alimentación de Vigo e do conxunto da provincia de Pontevedra no caso de que a patronal non acepta reducir a xornada e pactar unha suba salarial que «recoñeza o esforzo
feito polo persoal do sector nos últimos anos».
Sete xuntanzas sen acordo para pechar un convenio «digno»
Así o anunciou a secretaria nacional, Transi Fernández, ao remate da manifestación celebrada onte na cidade para reclamar un «convenio colectivo digno» e denunciar o «bloqueo das negociacións por parte do empresariado».
Nesta liña, e responsábel sindical censurou que tras sete xuntanzas, «a patronal aínda non achegou ningunha
proposta económica que permita avanzar na posibilidade dun acordo». Nesta liña, engadiu que por iso, a central decidiu poñer en marcha un calendario de mobilizacións, que comezou en Pontevedra e seguiu este domingo en Vigo, cunha mobilización de centos de persoas traballadoras.
Por iso, finalizada a protesta Fernández lembrou que tamén se está a negociar o convenio de Lugo, no que a parte empresarial ofrece un incremento do 4 % para o ano 2023. Esta proposta foi rexeitada pola CIG, logrando que se convoque folga para o 23 de xuño.
Todo depende da xuntanza deste martes
Deste xeito, se na reunión prevista para este martes, a patronal non achega propostas próximas ao que reivindica o sector “haberá que tomar medidas de presión máis máis contundentes como parar o día 23”. Neste sentido, Fernándezs lamentou que os outros sindicatos presentes na mesa de negociación non quixeran participar das mobilizacións. Mesmo “criticando incluso a nosa convocatoria e poñendo en dúbida a representación da CIG na mesa, que é de maioría absoluta”.
Sector «esencial» durante a pandemia
Finalmente, fixo fincapé en que “non pode ser” que un sector que foi considerado esencial durante a pandemia “logo o esforzo do seu persoal non se vise compensado”. Por iso, sinalou, ademais dunha suba salarial digna “reclamamos algo importante: a redución de xornada para poder conciliar e descansar”.
