O día con máis accidentes foi o sábado
Urxencias Sanitarias de Galicia-061 asistiu durante a fin de semana 67 persoas debido a 56 accidentes de tráfico ocorridos nas estradas galegas entre as 3 da tarde do venres, 19 e as 12 menos un minuto da noite deste domingo, 21 de maio.
Nestes días, a Central de Coordinación do 061, recibiu 63 chamadas en relación con sinistros e os recursos sanitarios mobilizados polos médicos que atenderon as chamadas foron 74.
En total, as ambulancias asistenciais de soporte vital avanzado asistiron nun accidente; as ambulancias asistenciais de soporte vital básico asistiron en 67 e os equipos sanitarios de Atención Primaria prestaron asistencia sanitaria en 6. Así, en 52 casos os feridos foron trasladados a centros sanitarios e en 15 ocasións atendeuse no propio lugar do incidente.
