A preinscrición pode facerse dende este xoves, día 13
O Concello de Vigo pon en marcha, por terceiro ano consecutivo, o curso gratuíto de capacitación para exercer de socorrista, que ten un máximo de 25 prazas.
Prioridade empadroados en Vigo
Así, o requisito principal para poder acceder á formación é posuír a licenciatura ou o grao en Ciencias da Actividade Física e o Deporte ou o Ciclo de Técnico Superior en Animación de Actividades Físicas e Deportivas. O Concello dará prioridade ás persoas empadroadas en Vigo, coa posibilidade de inscribirse desde outros municipios en caso de quedaren prazas vacantes.
Preinscrición no teléfono 010
As persoas que participen no curso realizarán 190 horas certificadas de formación, das que 120 son horas de natación e 70 de docencia presencial. A preinscrición poderá facerse no teléfono 010, do xoves 13 ao martes 18 de abril e o alumnado que complete o curso poderá formar parte do servizo municipal de socorrismo e salvamento e inscribirse no Rexistro Profesional de Socorristas de Galicia.
