Chegará á cidade coa súa ‘Xira de Teatros 2023’
Manolo García presenta a súa Xira de Teatros 2023 na que regresa aos escenarios nun renovado formato no que interpretará en directo as cancións do seu último traballo de estudo. Esté está composto por un dobre álbum e que inclúe os títulos “Mi vida en Marte” e “Desatinos Desplumados”, que pulverizaron o pasado ano todos os récords de venda alcanzando o Número 1 e Número 2 nas listas oficiais.
Trala súa exitosa Xira 2022 na que colgou o cartel de sold out en todos os seus concertos, Manolo García inicia un novo proxecto. Así regresa aos escenarios cun formato renovado no que percorrerá os mellores teatros da xeografía cun espectacular directo.
20 anos dende ‘El Último de la Fila’
Cando se cumpren dúas décadas da súa traxectoria en solitario, precedidas do inesquecible El Último da Fila, o músico barcelonés entréganos estes dous novos traballos. Os mesmos, gravados entre Girona e Pozuelo de Alarcón, inclúen “Mi vida en Marte” e “Desatinos Desplumados” e reúnen 27 cancións -incluída unha nova versión da canción “Busco Cielos”–.
Manolo García actuará o vindeiro 21 de outubro no Auditorio Mar de Vigo. As entradas sairán á venda o 20 de abril a través de www.teuticket.com
