Vigo al minuto

As obras da Avenida de Galicia, en Teis, comezarán en abril e durarán 1 ano

Dende Mariña Española ata o instituto

As obras da Avenida de Galicia, en Teis, comezarán en abril e durarán 1 ano

Dende Mariña Española ata o instituto

A Consellería de Infraestruturas e Mobilidade vén de adxudicar o contrato para as obras da primeira fase de humanización da avenida de Galicia (PO-323), en Teis, por importe de 1,26 millóns de euros.

Deseño na Avenida de Galicia

Así, o deseño para a avenida de Galicia busca coordinar a súa execución co desenvolvemento efectivo do Campus do Mar na antiga ETEA. Por iso, a Xunta prevé iniciar os traballos, que teñen un prazo de execución de 12 meses, na segunda quincena do vindeiro mes de abril.

Ampliación de beirarrúas

Esta obra abrangue a mellora e ampliación das beirarrúas en ambas as marxes do treito de actuación, de modo que sexan máis continuas e accesibles, así como a execución dunha glorieta na intersección entre a avenida de Galicia (PO-323) e a avenida da Mariña Española, pola que se accede á ETEA. Así mesmo, incluirá a recolocación das marquesiñas; a instalación dunha varanda modular e a reposición do muro de peche existente, co fin de mellorar visualmente a integración da actuación na zona do Camiño Portugués.

Novo aparcadoiro

A nova zona de aparcadoiro situarase na parcela contigua ao IES de Teis, ao non ser viable a situación inicialmente prevista enfronte do centro de saúde, e manteranse as prazas de aparcadoiro actuais, na avenida de Galicia, entre os números 104-120 e nos números 67-69, que inicialmente se suprimían.

Segunda fase

O departamento de Infraestruturas da Xunta prevé finalizar a actuación cunha segunda fase que complete a mellora da estrada en Vigo, ata o límite con Redondela, e cuxo proxecto xa foi aprobado esta semana cun investimento de 4,1 millóns de euros.

También te puede interesar