Sanidade empeza a citalos por SMS
Sanidade empezará a citar este mércores, día 14, aos nenos de entre 5 e 59 meses que se vacinaron contra a gripe en novembro para poñerlles a segunda dose. Así, os seus país recibirán por SMS a información sobre o día e a hora na que teñen que acudir ao mesmo lugar no que recibiron a primeira dose.
No caso da Área Sanitaria de Vigo, as citas programadas serán o venres 23, o luns 26 e o martes 27 de decembro, pola tarde. Os mesmos días na área da Coruña; aqueles que teñan que vacinarse en Cee, Ferrol, O Barco de Valdeorras e Verín terán que ir o venres, día 23 e os de Lugo, A Mariña, Monforte, Barbanza, O Salnés, Santiago, Ourense e Pontevedra, ese mesmo venres 23 e o luns, día 26.
