A nena está ben e recupérase na súa casa
Momentos de tensión os vividos este luns na Xefatura da Policía Local do Porriño. Preto das 10 da noite, os pais dunha pequena duns 2 anos de idade chegaban con ela en brazos ás dependencias policiais xa que “non podía respirar”.
Afogábase
Tras constatar que a menor sufría unha insuficiencia respiratoria, comezaron a realizar as manobras básicas de primeiros auxilios conseguindo que reaccionara. Ao non haber unha ambulancia dispoñible neste momento e “comprobar que a pequena volvía quedar sen aire, os axentes desprazarona de urxencia xunto aos seus pais ao centro de saúde, mentres un deles continuaba a efectuar as maniobras“.
De camiño, estas deron resultado e a pequena logrou expulsar as secrecións que lle impedían respirar e abrir a vía aérea, comezando a respirar con normalidade.
Trasladada ao Cunqueiro
En primeira instancia a nena foi atendida no PAC do Centro Médico do Porriño e posteriormente trasladada ao Hospital Álvaro Cunqueiro e “hoxe xa se atopa no seu domicilio e recuperándose“.
