O sábado e domingo houbo 17 accidentes cada día
Urxencias Sanitarias de Galicia-061 asistiu durante a fin de semana 62 persoas debido a 44 accidentes de tráfico ocorridos nas estradas galegas entre as 3 da tarde do venres, 28, e as 12 menos un minuto da noite deste domingo, 30 de outubro.
A Central de Coordinación do 061, recibiu nestes días 57 chamadas en relación cos accidentes de tráfico e os recursos sanitarios mobilizados polos médicos que atenderon as chamadas foron 63.
Así, as ambulancias de soporte vital avanzado asistiron en 5 accidentes; as ambulancias soporte vital básico asistiron en 52 sinistros e os equipos sanitarios de Atención Primaria, prestaron asistencia sanitaria en 6 accidentes.
En 49 casos os feridos foron trasladados aos centros sanitarios correspondentes, en 11 ocasións atendeuse no propio lugar do incidente e dúas persoas faleceron no punto.
