RGPD - Cookies
Vigo al minuto

O Hospital Meixoeiro contará con 12 novas mesas cirúrxicas móbiles

Financiadas pola Unión Europea

O Hospital Meixoeiro contará con 12 novas mesas cirúrxicas móbiles

Financiadas pola Unión Europea

Sanidade ven de adxudicar a compra dunha ducia de mesas cirúrxicas móbiles destinadas ao bloque cirúrxico do Hospital Meixoeiro, por un importe de 494.437,94 euros.


Equipos con 15 anos de antigüidade

Así, con este contrato, financiado pola Union Europea no marco do programa operativo FEDER Galicia, o Servizo Galego de Saúde (SERGAS) busca substituír os equipos con máis de 15 anos de antigüidade .

O maior número de ‘posicións cirúrxicas’ posibles

Estas novas mesas contan cunhas características que garanten a máxima  confortabilidade e seguridade tanto para os pacientes como para o persoal. Os seus  parámetros físicos de funcionamento e capacidades técnicas permiten configurar o maior número de posicións cirúrxicas posibles con maior confort para os pacientes e os profesionais á hora de realizar unha cirurxía ou exploración. Neste senso, as mesas contan con maior número de seccións e de articulacións motorizadas; maior rango de altura e ángulo de inclinación; así como máis anchura do tablero e grosor do colchón.

Sistemas de sensores anti-colisións

Ademais, inclúen un sistema de sensores que evita colisións durante os movementos; un sistema de auto nivelación,  e un sistema de iluminación de seguridade baixo a mesa que alerta do estado da mesma, se está freada ou non.

A nova dotación tamén cubre as necesidades e características do servizo destinatario  do equipo, atendendo a aspectos como a facilidade do seu manexo e da súa limpeza mediante a posibilidade de activación dunha posición especifica para realizala

También te puede interesar