Son o `Programa de reforzo educativo para a obtención do título da ESO para adultos´ e un curso de `Comunicación empresarial en inglés´
Reforzo educativo para a obtención do título da ESO
O primeiro deles, é o “Programa de reforzo educativo para a obtención do título de ESO para adultos” que se desenvolverá do 25 de outubro de 2022 ao 31 de maio de 2023 de maneira presencial.
As clases impartiranse de martes a venres de 18 h a 21 h e os sábados de 10h a 13h e prepararanse as materias incluídas nos tres eidos dos que consta a proba (científico-tecnolóxico, comunicación e social). Está dirixidas a maiores de 18 anos que non dispoñan desta titulación. A matrícula ordinaria é de 40€ e gratuíta para os alumnos e alumnas empadroados no Porriño.
Comunicación empresarial en inglés
O segundo é o curso de “Comunicación Empresarial en Inglés” dirixido a todas as persoas interesadas cun nivel de inglés xeral de partida preferiblemente igual ou superior a B1. Os alumnos adquirirán os coñecementos necesarios para efectuar con éxito comunicacións verbais e non verbais en lingua inglesa que lles permitirán desenvolverse socioprofesionalmente no eido internacional.
O curso desenvolverase do 28 de outubro do 2022 ao 17 de febreiro de 2023 (en horario de tarde) podendo elexir a asistencia presencial ou a online en directo ou en diferido. Componse de 40 horas lectivas, 2 créditos ECTS.
A matrícula é de 80€.
Toda información pode obterse na UNED Pontevedra-Aula Universitaria do Porriño (Multicentro de Torneiros); chamando ao teléfono 986 851 850 ou mediante un correo electrónico a [email protected]
