RGPD - Cookies
Galicia Vigo al minuto

Dende este luns podes denunciar, de xeito anónimo, calquera irregularidade no transporte de viaxeiros

A Xunta activou unha canle para facelo

Dende este luns podes denunciar, de xeito anónimo, calquera irregularidade no transporte de viaxeiros

A Xunta activou unha canle para facelo

A Xunta activa este luns unha canle anónima para a comunicación de presuntos incumprimentos normativos en materia de transportes de competencia autonómica.


Transporte de viaxeiros e mercadorías

Así, a Consellería de Infraestruturas e Mobilidade implanjta no seu portal web unha canle para que os cidadáns poidan poñer en coñecemento da Inspección de Transporte posibles incumprimentos normativos no transporte de viaxeiros e tamén de mercadorías.

Sen dar o seu nome

A través do seguinte enlace: https://infraestruturasemobilidade.xunta.gal, o cidadán, de xeito anónimo, pode efectuar a comunicación dos feitos que entenda que poden constituír un incumprimento da normativa de transporte, sen necesidade de consignar ningún dato identificativo.

Se así o desexa, o usuario poderá achegar un correo electrónico que permita que a Administración poida requirir información adicional en relación aos feitos denunciados para a súa investigación.

Identificación do suposto infrator

O formulario electrónico prevé unha serie de campos para identificar o obxecto e suxeito ao que se atribúe a irregularidade comunicada e a súa data de comisión, acoutada temporalmente con base nos prazos de prescrición das infraccións.

Tamén se prevé unha nomenclatura que codifica os ámbitos nos que poden encadrarse os feitos relatados: carencia de autorización; carencia de CAP; tempos de condución e descanso; incumprimentos de tacógrafo; exceso de peso; transporte regular de viaxeiros; transporte escolar; taxis; estacións de autobuses, entre outras opcións.

Adicionalmente, recóllese un campo de texto de ata 6.000 caracteres e a posibilidade de xuntar documentación complementaria nun amplo abano de formatos.

También te puede interesar