Comarcas Vigo al minuto

Se estás en Tui xa podes conectarte a Internet na rúa e de xeito gratuito

O Concello súmase ao programa europeo WiFi4EU

Se estás en Tui xa podes conectarte a Internet na rúa e de xeito gratuito

O Concello súmase ao programa europeo WiFi4EU

O Concello de Tui ven de implantar unha rede WiFi municipal no marco do programa europeo WiFi4EU. Grazas a esta iniciativa contan con cobertura wifi gratuíta á Praza do Concello, as rúas Porta da Pía, Bispo Castañón, Calvo Sotelo
e o Paseo da Corredoira.

Acceso libre á rede en espazos públicos

Este programa WiFi4EU promove o acceso libre dos cidadáns á conectividade de banda ampla en espazos públicos coma parques, prazas, edificios oficiais, bibliotecas, centros de saúde ou museos de municipios de toda Europa.

A actuación realizada en Tui supuxo o despregue de 10 puntos de acceso WiFi exterior que a través da rede de nome “WiFi4EU”, permite ofrecer tanto a cidadáns e visitantes un servizo de acceso a Internet de calidade.

Gratuito, seguro e as 24 horas

Así, calquera usuario ubicado na área de cobertura da rede “WiFi4EU” poderá acceder de xeito seguro e gratuíto as 24 horas do día á conexión. Cando sexa a primeira vez que se conecte á rede, a persoa usuaria será redirixida a unha páxina segura de inicio de sesión (portal cativo).

Investimento de 15.000 euros

O investimento realizado ascende a 15 mil euros que foron financiados pola Unión Europea e este novo servizo de wifi municipal gratuíta pretende complementar outros proxectos ligados á posta en valor do patrimonio cultural tudense.

Impulso ao turismo

Entre eles están actuacións de sinalización mediante códigos QR; roteiros autoguiados; acceso a Internet en mobilidade e promovendo a visibilidade do concello animando aos usuarios para compartir a súa experiencia en redes sociais.

Con esta iniciativa o concello de Tui súmase á rede de municipios europeos que xa ofrecen este servizo, promovendo o uso de novas plataformas e servizos dixitais innovadores, facilitando a comunicación gratuíta tanto a residentes como visitantes.

También te puede interesar