Ainda non se sabe se nos centros de saúde ou en ‘vacinódromos’
O presidente do Goberno galego adiantou que a Sanidade de Galicia está preparada para empezar «inmediatamente» coa vacina da cuarta dose contra a Covid, en todo caso, «como moi tarde, a finais deste mes», logo de que o Comisión de Saúde Pública sinale a data de comezo.
Esa data, como informou o Ministerio de Sanidade, é o día 26 deste mes, e a vacinación comezará por persoas ingresadas en residencias e maiores de 80 anos, como os grupos de maior risco. despois de que o Goberno central determine a data de comezo.
Non será obrigatoria
Preguntado sobre si a Xunta prevé facer obrigatoria a vacina, o presidente Rueda sinalou que «non está na planificación» do Goberno galego, que sí ten coma obxectivo «facela máis accesible».
Coincidirá co novo calendario vacinal dos nenos
Como informou vigoalminuto, o 15 de setembro iniciarase o novo Calendario Vacinal, aprobado polo Consello da Xunta. Este calendario incorpora as novas vacinas contra o virus do papiloma humano, a meninxite B e a gripe aos nenos e nenas.
O mesmo día 15 comezará a administración da vacina do virus do papiloma humano aos nenos de 12 anos; desde o 1 de novembro administrarase a vacina contra a meninxite B con dúas doses aos 2 e 4 meses, máis unha terceira de recordo ao alcanzar os 12 meses. A vacina antigripal programarase durante o mes de outubro.
