RGPD - Cookies
Vigo al minuto

Denuncian vertidos ao río Eifonso, en Vigo, provocados polas perforacións para o tunel da A-52

Ecoloxistas en Acción e veciños informaron ao Concello e Augas de Galicia

Denuncian vertidos ao río Eifonso, en Vigo, provocados polas perforacións para o tunel da A-52

Ecoloxistas en Acción e veciños informaron ao Concello e Augas de Galicia

Ecoloxistas en Acción Vigo e as plataformas veciñais Bembrive en Pé e Non ao Vial de Beade denunciaron ante Augas de Galicia e o Concello de Vigo os continuos vertidos ao río Eifonso realizados pola empresa que está realizando as sondaxes para a construción do túnel da nova autovía A-52 Vigo-O Porriño.

A veciñanza da parroquia viguesa de Bembrive ten constancia dos mesmos e sinalan, proceden das perforacións realizadas no lugar de Palames, preto do muiño do Cristino, segundo recoñeceron os propios traballadores da obra a veciños da parroquia.

Estas perforacións, subliñan «son parte das labores de consultoría e asistencia contratadas á empresa Ayesa para a construcción dun túnel de máis de 3 quilómetros como variante do treito da nova autovía A-52″.

Denunciaron os feitos no Concello e Augas de Galicia

As tres organizacións denunciaron estas verteduras contaminantes ante as administracións competentes: Augas de Galicia e Concello de Vigo. Solicitaron a ambas administracións que se paralicen os traballos das sondaxes ata garantir que non se van producir máis verteduras e «ademais que se sancione a empresa por esta agresión ao medio ambiente».

Despilfarro e impacto ambiental

Así mesmo, subliñan o «desplifarro de varios centos de millóns de euros» que implica a construcción do túnel, cando o trazado da AP-9 vai paralelo á nova autovía A-52 e coa liberación das peaxes deste treito se convertería, sen necesidade de máis obras, na saída principal de Vigo cara Madrid.

«As obras do tunel conlevarán un gran impacto ambiental na nosa parroquia. Xa vemos como nada máis comezar están contaminando as augas», denuncian desde a plataforma veciñal Bembrive en Pé.

«Rexeitamos está innecesaría infraestrutura e instamos ao goberno do Estado a  que se libere das peaxes ao treito da AP-9 como alternativa ao trazado da A-55. Ademais está liberación xa foi aprobada hai anos en comisión parlamentaria cos votos a favor de, entre outros, os dous partidos que conforman o goberno de España», sinalan desde Ecoloxistas en Acción Vigo.

También te puede interesar