RGPD - Cookies
Cultura Vigo al minuto

Salceda recupera dende este día 1 o seu ‘Verán Cultural’ e as ‘Festas do Cristo’

Con actividades para todos os públicos, de cativos a adultos

Salceda recupera dende este día 1 o seu 'Verán Cultural' e as 'Festas do Cristo'

Verónica Tourón, alcaldesa de Salceda, acompañada do titular da Concellería de Cultura e Festexos, Alex Rodríguez, presentou a programación do ‘Verán Cultural e as Festas do Cristo’, nun ano no que se recupera certa normalidade nas actividades logo da pandemia.

Do 1 ao 18 de xullo

A programación, que se estenderá dende o venres 1 ata o luns 18, está deseñada pensando en que todas as persoas poidan participar e gozar dela. Así, haberá actividades para todos os públicos, xa sexan infantil ou adulto, así como para a nosa mocidade.

O concelleiro de Cultura subliñou a aposta que o Concello de Salceda leva feito na cultura dende o inicio da pandemia, non deixando de programar e apostando por manter as grandes citas culturais adaptadas á normativa.

Grandes citas, verbenas e Salcedenses Distinguidos

Quixo salientar, tamén, o retorno de grandes citas, e da volta das asociacións á programación como no XXIX Festival de Bandas de Música en colaboración coa Banda Cultural de Salceda, no Vaia Cristo, coorganizado pola ACDE Treze Catorze ou na volta das actuacións dos grupos de Playbacks de Soutelo e de Parderrubias.

Voltan tamén as verbenas, que contarán con tres días nos que as protagonistas serán o Grupo América, a Orquestra Solara e o Combo Dominicano, que porá o broche de ouro ás Festas do Cristo o luns 18 de xullo, sen esquecernos da actuación da artista galega SÉS, sen dúbida o prato forte da programación, e pertencente ao programa Musigal da Deputación de Pontevedra.

Por outra banda o concelleiro destacou os actos que serven para homenaxear a diferentes persoas e colectivos de Salceda, como o estourazo ou o Acto Cívico dos/das Salcedenses Distinguidos/as, que se celebran o sábado e domingo das Festas do Cristo, e que estarán precedidos polo tradicional desfile da Agrupación Gaiteira de Salceda polas rúas da Esfarrapada, a partir das 20.00 no sábado do Cristo.

Programación ‘Verán Cultural 22’

Venres 1 xullo

  • 21.30 Festival Bandas Infantís e Xuvenís. CEP Altamira
    • Escola de Música de Barro.
    • Escola de Música de Xinzo.
    • Escola de Música de Salceda de Caselas.

Sabado 2

  • 21.30 XXIX Festival de Bandas de Música de Salceda. CEP Altamira
    • Banda de Música de Salvaterra de Miño
    • Banda de Música de Alcalá de Guadaira (Sevilla)
    • Banda de Música Cultural de Salceda de Caselas

Martes 5

  • 22.30 Cine na Rúa. Live is Life. Praza do Concello

Mércores 6

  • 20.30 Animar-T. De cando un paxariño me espertaba todas as mañás no confinamento. Praza do Concello.

Xoves 7

  • 22.30 Concerto Banda Bacana. Praza do Concello

Venres 8

  • 22.30 Concerto Jinetes del Trópico. Praza do Concello

Sábado 9

  • 16.00 Día da Infancia. Inchables de auga, Pista Americana, xogos… Parque da Gándara
  • XVIII Rallye Sur do Condado. Consultar programación

Luns 11

  • 22.30 Concerto Grupo Pedracarballa. Praza do Concello

Martes 12

  • 22.30 Grupo de Baile do Centro Cultural do Borralliño, Soutelo. Parque Raíña Aragonta

Mércores 13

  • 22.30 Grupo de Baile Xunco de Parderrubias. Praza do Concello

Xoves 14

  • 22.30 Actuación do Grupo América.

Venres 15

  • 22.46 VI Festival Vaia Cristo. (Coorganiza ACDE Treze Catorze). CS O Matadoiro
    • Donicelas
    • The Soul Jacket
    • Balkumbia
    • Dj Enxebre

Festas do Cristo das Angurias

Sábado 16 de xullo

  • 20.00 Desfile da Agrupación Gaiteira de Salceda polas rúas da Esfarrapada.
  • 22.00 XIII Estourazo de inicio das Festas do Cristo dende o balcón da Casa da Cultura.
  • 23.00 Verbena coa Orquestra Solara

Domingo 17 de Xullo

  • 11.30 XI Acto Cívico Salcedenses Distinguidas/os
  • 13.00 Misa solemne cantada polo Coro Polifónica de Entenza.
  • 21.00 Concerto da Banda Cultural de Salceda.
  • 23.00 Actuación de SES.

Luns 18 de xullo

  • 22.30 Verbena con El Combo Dominicano.

Outras actividades

  • I Torneo de Pádel Vila de Salceda.
    • Do 23 de xuño ao 15 de xullo na zona deportiva de Altamira
  • VI Torneo de Fútbol Sala Vila de Salceda
    • Do 11 ao 15 de xullo na zona deportiva de Altamira.
  • Concerto do Dúo Tugores. Auditorio Municipal
    • Venres 22 de xullo

También te puede interesar