RGPD - Cookies
Vigo al minuto

O Servizo de Radioloxía da Sanidade Pública de Vigo entre os cinco mellores de Europa

É o único de España elilxido para formación

O Servizo de Radioloxía da Sanidade Pública de Vigo entre os cinco mellores de Europa
O servizo de Radioloxía do Álvaro Cunqueiro entrou no ranking dos 5 mellores hospitais europeos, seleccionados pola Sociedade Europea de Radioloxía (ESR) para o intercambio de becas de formación académica en toda Europa (European School of Radiology). 

O único de todo o Estado  
De feito, é o único centro de España elixido para impartir esta formación superespecializada, xunto a 1 hospital de de Francia,  2 de Gran Bretaña e 1 de Suiza. Así, nas próximas datas se seleccionaran en función do Curriculum Vitae a aquel/es radiólogos para que veñan a formarse a Vigo. 

Novas técnicas 

Segundo explica a xefa de sección da área de Radioloxía Abdominal e Xenitourinaria, a doutora Milagros Otero “é un orgullo ser seleccionado como centro formador, xa que na elección valoráronse diferente criterios, como a importante dotación de equipamento radiolóxico dispoñible; a gran capacitación dos nosos profesionais, cunha acreditada experiencia no desenvolvemento das novas técnicas; así como o elevado volume de actividade realizada”. 

Radioloxía de vangarda


Ao longo dos últimos anos, o servizo de Radioloxía do Álvaro Cunqueiro ten feito un traballo recoñecido en moitos ámbitos. Está presente nos congresos nacionais e internacionais da especialidade. O feito de dispoñer de todas as técnicas avanzadas de diagnóstico -nas cales se inclúen as últimas ferramentas de Intelixencia Artificial– e a posta en marcha da Unidade de Investigación en Radioloxía, o converte nun servizo referente ao que enviar a formarse os radiólogos e radiólogas do futuro.

Nos máis altos estándares europeos

Neste senso, o xefe do servizo de Radiodiagnóstico, o doutor Xan Vieito afirma que “unha vez máis ponse de manifesto que a radioloxía do CHUVI sitúase nos máis altos estándares da radioloxía europea, e isto é posible polo gran traballo en equipo realizado polos radiólogas e radiólogos, xunto co persoal técnico e de enfermería deste servizo”.

También te puede interesar