RGPD - Cookies
Galicia Sucesos

O Concello de Redondela preto de identificar aos autores do acto de vandalismo no Parque Infantil de Chapela

Afectaron a acase todos os elementos do mesmo

O Concello de Redondela preto de identificar aos autores do acto de vandalismo no Parque Infantil de Chapela

«O vandalismo do que foi obxecto o parque infantil de Chapela va máis aló dunha simple gamberrada e é un ataque ao patrimonio de toda a veciñanza», asegurou Digna Rivas ao ser informada dos danos que sufriu a antedita área infantil e que afectaron á case que todos os aparellos desta instalación.


Os responsables «case identificados»

A alcaldesa de Redondela asegurou que «accións como estas non poden quedar impunes» e adiantou que a Policía Local desenvolve investigacións para dar co autor ou autores dos feitos «aos que ten case que identificados».

«Os espazos públicos son un patrimonio de toda a cidadanía que, cos seus impostos, posibilita que o Concello dote aos núcleos urbanos e ás parroquias destes lugares de esparexemento para os seus fillos e fillas», di a rexedora redondelá quen engade que «romper, pintar ou ocasionar danos nestes espazos supón, por tanto, un ataque directo contra o peto da cidadanía que este Goberno non vai consentir». O Goberno local aposta pola renovación e mantemento dos parques infantís «como zonas seguras para os xogos e desfrute dos e das máis cativas.

Colaboración cidadá

O Concello considera «imprescindible» a colaboración cidadá para «poñer en coñecemento do Concello ou da Policía Local este tipo de actuacións a fin de que os seus autores teñan que render contas polas súas accións».

Considera a alcaldesa Digna Rivas que as áreas infantís «van máis aló de ser un simple lugar de esparexemento, xa que ademais propicia que as nenas e os nenos poidan interrelacionarse a través do xogo e desenvolver as súas habilidades sociais».

También te puede interesar