RGPD - Cookies
Comarcas Sin sección

Salceda presenta o seu Nadal con máis de vinte actividades para todos os públicos

Do 18 de decembro ao 5 de xaneiro de 2022

A Casa da Cultura Castelao acolleu a presentación da programación de Nadal do Concello de Salceda de Caselas, e que contará con máis de 20 actividades orientadas a todos os públicos mais principalmente ao público infantil.

Circo de Nadal

O prato forte será a terceira edición do festival Pequeno Circo de Nadal, que conta coa dirección artística de Nelson Quinteiro. Este ano, o festival desenvolverase en catro xornadas, do 27 ao 30 de decembro, e contará con novidades respecto ás edicións pasadas.

Por unha banda, apóstase pola diversificación, incluíndo actividades en horario de mañá e tarde. Por outra banda, este ano o grande protagonismo correrá a cargo de propostas en feminino, como o espectáculo de Lydia Botana ou os contacontos de Érica González, armadanzas dos Contos do Titiribaile.

Música

Logo dun ano no que se tiveron que cancelar citas ineludibles do calendario, este ano voltan con forza varias das actividades que caracterizan o Nadal de Salceda. Deste xeito, a Banda Cultural de Salceda voltará a deleitar ao público co seu concerto de Nadal, e a San Silvestre Solidaria cumprirá a súa décima edición percorrendo as rúas do centro da vila chea de cor e ledicia.

Outra das citas que volven será o III Encontro de Ranchos Tradicionais, que xuntará na Praza do Concello a cinco agrupacións tradicionais.

Comercio local

Tamén o comercio local participa nestas datas coa participación no concurso de escaparates organizado dende o Concello, e que se desenvolve do 15 ao 31 de decembro, e coas Badaladas de Noitevella, organizadas por Acisa e polo propio Concello, e que contarán con actuacións musicais e as típicas uvas da sorte, nun acto presentado pola peña Jolgorrio.

A programación complétase tamén cun Obradoiro de Casas de Xenxibre, que fará as delicias dos máis pequenos e pequenas, e con dúas citas do motor; a papanoelada moteira e a Concentración de Vehículos Clásicos Franceses.

Alumeado de Nadal

O Concelleiro de Cultura quixo tamén mencionar o alumeado de Nadal, deseñado en conxunto coa Asociación de Comerciantes, que enche as rúas de Salceda cun deseño elegante e sobrio, de cores cálidas, e que un ano máis, foi instalado por unha empresa local.

A alcaldesa, Verónica Tourón, declarou que «a nosa intención é devolver a ilusión do Nadal ás nosas prazas e rúas, cunha programación da que poidan desfrutar todos os públicos, coa peculiaridade de que os eventos realizaranse en espazos abertos debido a situación actual. Este é un bo momento para achegarse e gozar de Salceda «.

Programación de Nadal 2021/2022

Sábado 18 de decembro

–         18.00 Audición da Escola de Música de Salceda.

–         19.30 Badaladas Pre Noitevella.

Domingo 19 de decembro

–         16.00 Papanoelada Moteira

–         19.00 Concerto de Nadal, Banda Cultural de Salceda.

Mércores 22 de decembro

–         13.00 Visita do Apalpador

–         16.00 Obradoiro de Casiñas de Xenxibre.

Xoves 23 de decembro

–         16.00 Obradoiro de Casiñas de Xenxibre

Domingo 26 de decembro

–         15.00 Concentración de Vehículos Clásicos Franceses.

–         16.00 III Encontro de Ranchos Tradicionais

o   Canto de Reis do Serán

o   Ranchiño de Reis da AC A Feira

o   Rancho de Reis das Cortellas, Ponteareas

o   Rancho da Asociación Casco Vello de Vigo

o   Rancho de Entroido da AC A Feira

Luns 27 de decembro

–         Pequeno Circo de Nadal 2021

o   11:30 h Obradoiro de movemento, ximnasia de Nadal e flashmob de Nadal cos Trasnos de Nadal e OneTake Films.

o   13:00 h Espectáculo de rúa. A CAIXIÑA DOS TRASNOS DE NADAL

o   18:00 h Tardes de Nadal. LYDIA BOTANA. DE AQUÍ PARA ALÁ

Martes 28 de decembro

–         Pequeno Circo de Nadal

o   11:00 h Obradoiro de canto e panxoliñas cos Trasnos de Nadal. Actividade con distancia física e aforo aberto por orde de chegada sen necesidade de inscripción.

o   12:30 h Almorzos con contos. ÉRICA GONZÁLEZ. OS CONTOS DO TITIRIBAILE

o   18:00 h Tardes de Nadal. Moc Moc Espectáculos. O AXUDANTE DE PAPÁ NOEL

Mércores 29 de decembro

–         Pequeno Circo de Nadal

o   18.00. OS TRASNOS DE NADAL. Espectáculo de Nadal

Xoves 30 de decembro

–         Pequeno Circo de Nadal

o   12.30. BARULLO. Espectáculo musical infantil.

o   18.00. Sesión de flocos de Nadal, coa proxección de clásicos de Nadal, e o filme LAST CHRISTMAS

Xoves 30 de decembro

–         21.30 X San Silvestre Solidaria.

Domingo 2 de Xaneiro

–         Tren de Nadal

Mércores 5 de Xaneiro

–         17.00 Cabalgata de Reis

ADEMAIS

–         III Concurso de escaparates de Nadal. Do 15 ao 31 de decembro.

También te puede interesar