RGPD - Cookies
Destacados Vigo al día

O BNG advirte de cambios importantes no proxecto do túnel de Elduayen

Xabier P. Igrexas esixe aclaracións ao alcalde

O Bloque Nacionalista Galego vén de interpelar ao Goberno Municipal para esixirlle transparencia sobre o proxecto de instalación dun túnel en Elduayen e a peonalización da Portal do Sol. Dende o BNG expresan a súa preocupación, «compartida coa veciñanza e o comercio da contorna«, diante do que parecen modificacións significativas nas obras de acceso ao túnel proxectado na rúa Elduayen.

«Silencio» do alcalde

“Trátase de que o goberno de Abel Caballero dea resposta á veciñanza, que o único que recibe é silencio diante das súas queixas e diante das súas peticións de información”, denunciou o concelleiro do BNG na cidade, Xabier P. Igrexas, que trasladou estas inquedanzas na Comisión Informativa de Fomento e Contratación, celebrada esta mesma semana, sen obter ningunha resposta.

Hai unha modificación importante?

Igrexas subliñou que, unha modificación relevante nun proxecto que foi sometido a licitación pública, pode supoñer unha alteración tamén dos gastos e do custo económico do proxecto e, por tanto, afectar á propia contratación.

“Unha obra tan importante, de tanto calado, con tantos efectos na súa contorna, merece unha explicación”, advertiu o portavoz municipal do BNG de Vigo. “Queremos que o goberno de Abel Caballero diga que quere cambiar, que se vai modificar do proxecto orixinal xa licitado”.

También te puede interesar