RGPD - Cookies
Galicia Vigo al día

O BNG denuncia que o Goberno local impide ver o expediente do Plan Xeral

Asegura que foi unha «orde da Consellería de Urbanismo»

O BNG denuncia que o Goberno local impide ver o expediente do Plan Xeral

O Plan Xeral está «oculto». O Goberno local impide ver o seu expediente. Isto é o quevén de denunciar o Bloque Nacionalista Galego de Vigo: que non se deixa acceder aos grupos da oposición ao mesmo.

Dende o Bloque critican a «opacidade e escurantismo» co que o Goberno local está a abordar a elaboración do novo planeamento urbanístico.

«Orde da Consellería de de Urbanismo»

O concelleiro do BNG, Xabier P. Igrexas, sinala que, segundo lle confirmaron técnicos municipais, «foi unha orde da Concellaría de Urbanismo a que motivou que se lles retirara a todos os grupos da oposición o acceso ao expediente municipal do novo PXOM».

«Tivemos acceso desde maio de 2020, o que nos permitía cando menos ter constancia da situación da tramitación, pero foinos retirado desde o día de onte por unha decisión política do Goberno local», denuncia. «Que queren agochar con esta decisión? Que é o que non queren que saibamos?»

O BNG xa solicitou, oficialmente, que se lle volva habilitar o acceso ao expediente para coñecer a súa evolución «en tempo real»

«É hora de quitar o Plan Xeral da escuridade dos despachos. É hora de poñer luz, de máis transparencia, de máis información e sobre todo de máis participación, para termos un Plan de toda a cidade e non só duns poucos», remacha Igrexas.

También te puede interesar