RGPD - Cookies
Galicia Vigo al día

Sanidade convoca 23 prazas de 11 especialidades para os hospitais de Vigo

A Área Sanitaria leva ofertados este ano 43 nomeamentos de longa duración de persoal facultativo

A Área Sanitaria de Vigo leva ofertados este ano 43 nomeamentos de longa duración de persoal facultativo, de distintas especialidades. Hoxe, o Diario Oficial de Galicia ven de publicar a resolución mediante a que se ofertan  23 prazas de 11 especialidades diferentes.

Delas, a máis numerosa é a de especialistas en Psiquiatría, con 8 prazas; ademais, hai 2 de Alergoloxía; 1 de Cirurxía Vascular; 2 de Cirurxía Xeral e do Aparello Dixestivo; outras 2 de Hematoloxía; 2 de Medicina Física e Rehabilitación; 1 Medicina Interna; outra de Nefroloxía; 1 de Neurocirurxía, 2 de Neuroloxía e 1 de Radiodiagnóstico.

Outras 19 o pasado mes de xaneiro

A estas hai que engadirlles as 19 convocadas no pasado mes de xaneiro e que corresponden a 14 especialidades: 1 de Anatomía Patolóxica; outra de Anxioloxía e Cirurxía Vascular; 1 de Cardioloxía; tamén 1 de Cirurxía cardiovascular; 2 de Cirurxía ortopédica e Traumatoloxía; 1 de Cirurxía pediátrica; outra de Cirurxía plástica; 1 de Cirurxía xeral; 2 de Dermatoloxía; outras 2 de Medicina Interna; 3 de Obstetricia e Xinecoloxía; 1 de Oftalmoloxía; outra de Otorrinolaringoloxía  e 1 de Pediatría.

También te puede interesar