O 98,76 % dos nenos galegos de 3 anos que solicitaron praza en 4º de educación infantil, obtívoa no colexio escollido como primeira opción.
Segundo informa Educación, só un 1,24 % non acadou unha praza no centro de primeira escolla. Para esta pequena porcentaxe, as prazas as asignará a Comisión de escolarización de cada zona.
15.414 solicitudes
En total, recibíronse 15.414 solicitudes en Galicia, «polo que resulta suficiente a oferta de prazas en 4º de educación infantil, con 26.800 postos».
Son 1.576 solicitudes menos que o curso pasado, en liña co descenso demográfico de 1.855 nacementos rexistrado en 2018, ano de nacemento dos nenos agora escolarizados. Así pois, a caída da natalidade é mesmo
máis acusada que o descenso de solicitudes de escolares.
