O mes de xaneiro pechou con 185.954 galegas e galegos desempregados e 31.308 traballadores en ERTE en Galicia.
Baixa o número de anotados nas oficinas de emprego
Segundo os datos difundidos este martes polo Ministerio de Traballo, o número de parados anotados nas oficinas de emprego de Galicia baixou en 3.603 persoas o mes pasado (-1,9%).
O día 31, había 185.984 galegas e galegos buscando traballo, 18.229 máis que en xaneiro de 2020, o cal representa un aumento do 10,87%.
Menos galegos en ERTE…
O mes pasado 31.308 traballadoras e traballadores galegos estaban protexidos por expedientes de regulación de emprego temporais (ERTE). Son 2.464 menos (-7,3%), que ao remate de 2020.
…e menos cotizando
A información difundida polo Ministerio de Inclusión, Seguridade Social e Migracións indica que as afiliacións á Seguridade Social, baixaron en Galicia en 9.823 o mes pasado,ata as 992.338. Isto representa 14.168 cotizantes menos que hai un ano (-1,41%).