RGPD - Cookies
Ciencia y Tecnología Galicia

Sanidade empeza este xoves un ‘cribado’ con PCR masiva á poboación de Moaña

Esta decisión adoptouse dada a elevada incidencia da Covid-19 mantida nos últimos 14 días no concello

A Consellería de Sanidade realizará un cribado poboacional, mediante a realización de PCR masiva, á poboación de Moaña.

Invítase a participar ás persoas maiores de 15 anos e realizarse unha proba, dende este xoves e e ata o vindeiro martes, na praza do Mercado de Abastos.

Ata alí achegarase un equipo de 14 profesionais  para xestionar este proceso, desde as 8.30 ás 19.30 h.

Vanse instalar 6 carpas ás que a poboación citada poderá achegarse preferentemente no propio automóbil ou ben a pé.

Elevada incidencia da Covid-19

Esta decisión adoptouse dada a elevada incidencia da Covid-19 mantida nos últimos  14 días en Moaña. O obxectivo é captar ao maior número de persoas que estean infectadas aínda que non presenten clínica.

Autotoma de saliva

En Moaña o Sergas habilitou dúas modalidades de recollida de mostras para realizar a proba PCR: a autotoma de saliva e a nasofarínxea.

Así, á poboación de entre 15 e 70 anos se lles se entregará un kit cun tubito xunto coas indicacións para realizar nos seus domicilios unha recollida de saliva: recoller un 1ml de saliva ao levantarse, en xaxún, sen tomar auga e sen lavarse os dentes. Ao día seguinte terán que  entregar o tubo no dispositivo habilitado na carpa situada ao carón da Cofraría.

As mostras serán procesadas no servizo de Microbioloxía do Hospital Alvaro Cunqueiro mediante a técnica de «Pooling» que permite agrupar varias mostras nunha única análise.

A poboación maior de 70 anos, ou aquela que presente maiores dificultades para producir saliva, se lles tomará unha mostra nasofarínxea.

Participación voluntaria

A poboación de Moaña é contactada polo Servizo Galego de Saúde e invitada a realizarse a proba diagnóstica PCR. A súa participación é completamente voluntaria, para elo se lles facilita unha cita -con dia e hora- para achegarse ao dispositivo sanitario.

También te puede interesar